ٹی چوک فلائی اوور منصوبگ اسلام آباد، راولپنڈی ءُ کش ءُ گور ءِ شہری آنی واستہ ب ھشت ءِ سہرا بیت،  مزن وزیر شہباز شریف منصوبگ ءِ بُن ھشت ایر کنگ ءِ مراگش ءَ گوں تران

اسلام آباد۔12ستمبر  (اے پی پی): مزن وزیر محمد شہباز شریف ءَ گوشت کہ ٹی چوک فلائی اوور منصوبگ اسلام آباد، راولپنڈی ءُ کش ءُ گور ءِ دمگ آنی شہری آنی واستہ سنگ میل ءِ رنگ ءَ ثابت بیت، پیش کرتگیں ریل کار منصوبگ ءَ چہ دوئیں شہر آنی رؤگ ءُ آیگ ءَ را گیش آسراتی رس ایت، منصوبگ ءِ سرجمی ءِ شرط آنی سر ءَ ھچ وڑیں تپاکی نہ بیت۔ اے ھیالانی درشانی آئی ءَ جمعہ ءِ روچ ءَ جی ٹی روڈ اسلام آباد ایکسپریس ہائی وے ءِ جنکشن (ٹی چوک) ءَ فلائی اوور ءِ جوڑیشت ءِ بُن ھشت ایر کنگ ءِ مراگش ءَ گشتانک دیان ءَ کت۔ مراگش ءَ وفاقی وزیر، اسمبلی ءِ باسک ءُ وفاقی دارالحکومت انتظامیہ ءُ سی ڈی اے ءُ اے دگہ سیادی داروکیں محکمہ آنی افسر ھم ھوار اتنت۔ مزن وزیر ءَ مراگش ءَ گوں گشتانک دیان ءَ ٹی چوک فلائی اوور منصوبگ ءَ را وش اتک کت ءُ گوشت کہ اے منصوبگ اسلام آباد، راولپنڈی ءُ آئی ءِ کش ءُ گور ءِ شہری آنی واستہ سنگ میل ءِ ثابت بیت۔ یک کلومیٹر ءِ فلائی اوور ءَ چہ ایکسپریس وے ءُ اے دگہ دمگاں سر بوھگ ءِ آسراتی رس ایت۔ آئی ءَ ٹی چوک منصوبگ ءِ واستہ وزیر داخلہ ءُ سی ڈی اے ءِ کارندہ آنی کوشست آناں ساڑات ءُ گوشت کہ دیمروئی منصوبگ آنی سرجمی ءِ سر ءَ ھچ وڑیں سوگند نہ بیت۔ مزن وزیر ءَ گوشت کہ پاکستان 2027 ءَ سینیٹر سی او سروک دیوان ءِ میزبانی ءَ کنت، ایشی ءَ چہ پد سینیٹر سی او سروک دیوان ءِ واستہ المی گامگیج چست کنگ لوٹ ایت۔ آئی ءَ اسلام آباد ءَ را گیش زیبا کنگ ءِ ہدایت کت ءُ گوشت کہ تاجکستان ءَ را جتا جتائیں رنگ ءِ پودگ تحفہ داتگ انت کہ ایشی ءَ چہ شہر ءِ زیبائی ءَ را گیش کنگ بیت۔ آئین ءِ شاہراہ ءَ را گیش زیبا کنگ ءِ ھاتر ءَ کار برجاہ انت۔ لہتیں ہفتگ ءَ پد آئین ءِ شاہراہ ءِ کش ءَ زیبائیں پُل گندگ بنت۔ مزن وزیر ءَ گوشت کہ تہی کارانی وزیر محسن نقوی ءُ ریلوے ءِ وزیر حنیف عباسی پنڈی ءُ اسلام آباد ءِ نیام ءَ تر ءُ تاب ءِ آسراتی ءِ واستہ نوکیں منصوبگ ءِ سر ءَ کار کنگ ءَ انت۔ پیش کرتگیں ریل کار منصوبہ ءَ چہ دوئیں شہر آنی مہلوک ءَ را گیش آسراتی رس ایت۔ مزن وزیر ءَ گوشت کہ چاگرد ءِ رکھینگ ءِ واستہ میٹروبس سروس ءَ ابید ای وی ٹرانسپورٹ ھم بندات کنگ بوتگ۔ آئی ءَ سی ڈی اے ءُ ضلعی انتظامیہ ءِ کارندہ آناں ہدایت کت کہ آ دوئیں شہر آناں یکجا کنگ، شہر ءِ زیبائی ءَ را گیش کنگ ءُ شہری آناں آسراتی پجارینگ ءِ واستہ سک باز محنت بہ کن اَنت۔ ایشی ءَ چہ پیسر مزن وزیر ءَ تختی ءِ پدرائی کت ءُ منصوبگ ءِ بُن ہشت ایر کت۔ مراگش ءَ گوں گشتانک دیان ءَ وزیر تہی کار محسن نقوی ءَ گوشت کہ ایکسپریس وے لہتیں ماہ پیسر سرجم بوتگ، 150روچ ءَ پد ٹی چوک فلائی اوور منصوبگ ءِ بنگیج کنگ بیت۔ آئی ءَ گوشت کہ داتگیں ٹارگٹ مزن سٹینڈرڈ ءَ را ھیال ءَ دارگ ءَ سرجم کنگ بنت۔ منصوبگ ءِ بابت ءَ مزن وزیر ءَ را بریفنگ کنان ءَ آئی ءَ گوشت کہ ٹی چوک فلائی اوور منصوبگ ءِ سر ءَ یک ارب 495ارب کلدار ھرچ بیت ایشی ءَ را کمیں وھد ءِ تہ ءَ 150روچ ءِ تہ سرجم کنگ بیت۔ اسلام آباد ایکسپریس وے وفاقی دارالحکومت ءِ یک ھاسیں شاہراہ یے کہ راولپنڈی، پنجاب، آزاد کشمیر ءُ جی ٹی روڈ کوآپریٹو ءَ را یکجاہ کنت۔ سی ڈی اے ءَ پیسر ءَ اسلام آباد ایکسپریس وے ءَ را زیرو پوائنٹ ءَ چہ ٹی چوک ءَ سگنل فری کتگ۔ جی ٹی روڈ ٹی چوک راوت اسلام آباد ایکسپریس وے جنکشن وفاقی دارالحکومت ءِ مستریں دروازگ انت۔ اے وھد ءَ اے جنکشن ءَ ٹریفک ءِ دباؤ سک باز اِنت ءُ اے جنکشن ءِ جاور ھال ھراب اِنت۔ تچوکیں  ٹریفک ءِ ہمراہی ءَ ایشی ءِ سرا مزنیں ٹریفک ہم است انت۔ اے جاور ھال ءَ را ھیال ءَ دارگ ءَ سی ڈی اے ءَ اے منصوبگ ءِ سر ءَ کار بندات کتگ ءُ سی ڈی اے ءُ این ایچ اے ءِ نیام ءَ راہ ءِ حق ءِ جیڈھ گیش ءُ گیوار کتگ۔ گاون ءُ 5 جون 2025 ءَ این ایچ اے ءَ سی ڈی اے ءَ را نوک ءِ جار جتگ۔ اے جنکشن ءَ چہ روچے یک لکھ ءِ نزیک ءَ گاڑی گوزگ ءَ انت، فلائی اوور ءِ جوڑیشت ءَ چہ ماہانہ 41ہزار 572 ءِ نزیک ءَ گاڑی آنی ٹریفک ءَ را آسانی رسیت۔ لاہور ءُ پنجاب ءِ دگہ دمگاں چہ جی ٹی روڈ ءِ وسیلگ ءَ اسلام آباد ءَ آیوکیں مسافر آنی آسراتی ءِ واستہ اے فلائی اوور ءِ ڈیزائن مصراز نیسپک ءَ کتگ۔ فلائی اوور یک کلومیٹر ءَ چہ گیش دراج ءُ ایشی ءِ چوڑائی 11.30 میٹر بیت ءُ ایشی ءِ ہمراہی ءَ سٹریٹ لائٹ ءُ باغبانی ءِ ہم بندوبست کنگ بیت۔