وزیر داخلہ محسن نقوی ءُ وزیر مملکت طلال چوہدری ءَ میجر عدنان اسلم شہید ءِ گس ءِ تر ءُ تاب کتگ، والدین ءِ گوما دلپدردی درشان کتگ

اسلام آباد۔12ستمبر  (اے پی پی): وفاقی تہی کارانی وزیر محسن نقوی ءُ وزیر ءِ مملکت طلال چوہدری ءَ بنوں  ءَ درئی ناشرکار آنی   ھلاپ ءَ بہادری ءَ گوں شہید بوتگیں میجر عدنان اسلم شہید ءِ گس ءِ تر ءُ تاب کتگ ءُ شہید ءِ مات ءُ پت ءُ کھول ءَ گوں گند ءُ نند کتگ۔ وفاقی تہی کارانی وزیر محسن نقوی ءَ شہید میجر عدنان اسلم ءِ گس ءِ مردم آں گوں دل ءِ جہلانکی ءَ دلپدردی ءُ دلپدردی ءِ درشانی کت ءُ گوشت کہ تئی شہید بٹالین ءَ بہادری ءُ بہادری ءِ نوکیں کسہ جوڑ کتگ۔ عدنان اسلم کہ ٹپی حالت ءَ ھم وتی سنگتانی دیمپانی کتگ راج ءِ بامرد اِنت۔ آئی ءَ گوشت کہ من شمے مزنیں دلیری ءُ جزم ءَ را سلام پیش کناں، ھمے دلیری ءُ جزم راج ءِ اصل مھکم انت۔ وزیر مملکت ءِ تہی کار طلال چوہدری ءَ گوشت کہ شہید مزن قربانی میجر عدنان اسلم کدی ھم بے سوب نہ روت، شہید آنی کھول آنی ابدمانیں قربانی آنی وام سرجمیں راج ءِ سر ءَ انت، ایشی ءَ را کدی شموشگ نہ بیت۔ اے موہ ءِ سر ءَ شہیدانی پت ءَ گوشت کہ منی بامردیں باتر ءَ گلزمین ءُ راج ءِ ھاتر ءَ وتی سر ءِ ندر کنگ ءَ مارا شان دات۔ اگاں منی گور ءَ دہ بیٹر بوتیں گڑا من پہ ملک ءَ قربان کتگ ات۔ شہید ءِ مات ءَ مزنیں تامری یے پیش داشتگ ءُ گْوشتگ کہ من ءَ وتی سرباز ءِ سر ءَ پھر اِنت، آئی ءَ وتی سر ءِ ندر کنگ ءَ وتی پِت ءِ واھگ پیلہ کُتگ۔ شہید میجر عدنان اسلم ءِ مات ءِ نیمگ ءَ ناکو ءُ پت ءَ گوشت کہ آ یک جوانیں کراٹے ءُ مارشل آرٹ ءِ لیب کنوک ات، آئی ءَ عملی زند ءَ ھم بہادری ءِ درشان کت۔ توکی کارانی وزیر محسن نقوی ءَ اے موہ ءِ سر ءَ شھاد ءَ را رستگیں ایوارڈ ءُ میڈل دیستگ اَنت ءُ شھاد ءِ نمردیں قربانی ءَ را شگر ءُ منت گپتگ۔ زانگ بہ بیت میجر عدنان اسلم لھتیں روچ پیش بنّو ءَ ناشرکارانی ھلاپ ءَ آپریشن ءِ وھد ءَ ٹپی بوتگ ءُ شہید بوتگ۔ چفا کمشنر اسلام آباد محمد علی رندھوا، آئی جی اسلام آباد پولیس علی نصیر رضوی ءُ ڈپٹی کمشنر اسلام آباد عرفان معنت ھم آئی ءِ ھمراہ بوتگ اَنت۔