ادارُکی صدر گیلانی یوسف رضا گیلانی  ءَ پنجاب ءَ برجاہیں سیلاب ءِ آفت آنی سر ءَ دلپدردی ءِ درشانی کتگ، مردماں گیشیں تاوان ءَ چہ رکّینگ ءِ واستہ ریسکیو آپریشن آنی تہ ءَ گہتری ءِ لوٹ کتگ، یوسف رضا گیلانی

اسلام آباد۔12ستمبر  (اے پی پی): ادارُکی صدر صدی یوسف رضا گیلانی ءَ پنجاب ءَ برجاہیں سیلاب ءِ  توپان ءِ سر ءَ سک باز دلپدردی ءُ اپسوز ءِ درشانی کتگ ءُ گوشت کہ اے سیلاپ  ھندی آپی زوراکی ءِ آسر اَنت۔ اسٹار سیکرٹریٹ ءِ نیمگ ءَ جاڑی بوتگیں بیان ءِ تہ ءَ آئی ءَ آماچیں ھاندان ءِ گوما دل ءِ جہلانکی ءَ ھمدردی ءُ یکوئی ءِ درشانی کتگ ءُ جانی ءُ مال ءِ تاوان ءِ سر ءَ اپسوز ءِ درشانی کتگ۔ پاکستان ءِ ادارُکی صدر ءَ گشتگ کہ سیلاپ  ءِ سبب ءَ ہزاراں میتگ آپ ءِ چیر ءَ  بک اتگ  انت ءُ مہلوک سکیں مشکلاں گوں دوچار انت ۔ آئی ءَ ملتان ءُ آئی ءِ کش ءُ گور ءَ سیلاب ءِ جاور ھال ءَ را ھال ءُ اھوال لیک اتگ ءُ ھال داتگ کہ وبا ءِ نادراھیانی شنگ بوھگ ءِ ھترہ است انت۔ ادارُکی صدر ءِ پنت ءُ شون کت کہ ہلاب ءَ چہ الس ءَ را رکھینگ ءِ ھاتر ءَ ترندیں طبی کمک پجاری کنگ بہ بیت ءُ آماچیں دمگاں میڈیکل ٹیم آناں وھد ءِ سر ءَ سر کنگ بہ بیت۔ آئی ءَ وردن ءِ اناج، ساپیں آپ ءُ اے دگہ کمکی چیز آنی پھجاری ءَ را گہتر کنگ ءِ ضلورت ءِ سر ءَ ھم زور پر دات۔ مہلوک ءَ را گیش تاوان ءَ چہ رکھینگ ءِ واستہ کمکی آپریشن آنی تہ ءَ گہتری آرگ بہ بیت ءُ وفاقی ءُ صوبائی ادارگ آماچیں الس آنی سکی ءُ مشکل آنی تہ ءَ جوانیں گامگیج چست بہ کن اَنت۔ ادارُکی صدر ءَ اے جزم ءِ درشان کت کہ حکومت توامیں وسیلگ آناں کارمرد کنان ءَ آماچیں الس آنی سرجمی ءَ کمک کنت ءُ اے گرانیں وھد ءَ آ تہنا نہ بنت۔