نیک راھی کارانی  وزیر  سردار محمد یوسف گوں ایران ءِ سفیر ڈاکٹر رضا امیری  مقدم ءَ گند ءُ نند کنان ءَ گند ءُ نند

اسلام آباد۔12ستمبر  (اے پی پی): وفاقی وزیر دینی کار سردار محمد یوسف ءَ جمعہ ءِ روچ ءَ ایران ءِ سفیر ڈاکٹر رضا امیری مقدم ءَ گوں گند ءُ نند کت۔ ایران ءِ سفیر ءَ گوستگیں روچاں پاکستان ءَ بوتگیں ھور ءُ زمین چنڈ ءِ سبب ءَ جانی ءُ مال ءِ تاوان ءِ سر ءَ اپسوز ءِ درشانی کتگ۔ ایران ءِ سفیر ءَ گوشت کہ پاکستان یک براتی ھمساھگیں ملکے ۔ ما اے آزمائش ءِ ساھت ءَ گوں پاکستانی راج ءَ شانک پہ شانہ اوشتاتگیں ۔ گند ءُ نند ءِ تہ ءَ مذھبی عدم برداشت، ناشرکاری، فرقہ وارانہ ءِ ھلاسی ءُ بین المذاہب ءِ ھمگرنچی ءِ دیمروئی ءِ ھوالگ ءَ ھیال ءُ لیکہ ءِ درشان کنگ بوت۔ اے موہ ءِ سر ءَ وزیر دینی کار ءَ گوشت کہ ایران ءُ عراق ءَ روگ ءَ پاکستانی زیارتی آنی واستہ ریگولرائزیشن کال کنگ بوھگ ءَ انت۔ زائرین ءُ پاکستانی ایران ءَ کار ءِ ھاتر ءَ روگ ءِ ھوالگ ءَ ایران ءِ گوما زوت یک مفاہمت نامہ ءِ سر ءَ دستخط کنگ بیت۔ وزارت مذہبی امور، وزارت داخلہ ءُ وزارت اوورسیز پاکستانی آں پاکستان ءِ کمک ءَ مفاہمت نامہ ءِ تیاری کنگ ءَ انت۔ ایران ءِ نمائندہ ءَ وفاقی وزیر سردار محمد یوسف ءُ پاکستان ءِ حکومت ءَ را 50می میاں اوستمانی قرآن کانفرنس ءِ برجائی ءِ سر ءَ مبارک بات دات ءُ گوشت کہ رسول اللہ صلی اللہ علیہ وسلم ءِ رژنائی ءَ استیں دور ءِ جیڈھ آنی گیواری ءِ واستہ سوشل میڈیا ءَ را کارمرد کنگ بہ بیت۔ ایران ءِ سر ءَ اسرائیل ءِ اُرش ءِ وھد ءَ پاکستان ءِ کرد ءِ پد ءَ پاکستان ءِ سرکار ءُ الس منت وار اَنت ۔ اسلاموفوبیا ءُ ناشرکاری ءِ ھلاپ ءَ جنگ ءَ پاکستان ءِ کرد سک باز المی انت ۔ وزیر دینی امور ءَ گوشت کہ پاکستان ءَ اے سال ءِ نومبر ءَ قرآن تلاوت ءِ میاں اوستمانی مقابلہ ءِ برجم دارگ بیت۔ ایرانی ڈل ءَ گوشت کہ ورلڈ قرآن کانفرنس ءَ پد قرآن تلاوت ءِ میاں اوستمانی مقابلہ آنی برجم دارگ پاکستان ءِ واستہ بے دروریں شرف ءِ بیت۔ اے گند ءُ نند ءِ تہ ءَ پاکستان ءُ ایران ءِ نیام ءَ مدرسہ ءِ علما ءُ نودربر آنی تبادلہ ءِ تہ ءَ گیشی ءِ سر ءَ تپاک کنگ بوتگ ایشی ءِ تہ ءَ حج ءُ عمرہ ءِ ادائیگی، نوکیں ءُ و وانگ ءُ زانگ ءِ دیمروئی ءِ سر ءَ تپاک کنگ بوتگ۔