صدر آصف علی زرداری چین ءِ تر ءُ تاب ءَ روادگ

اسلام آباد۔12ستمبر  (اے پی پی): صدر ءِ مملکت آصف علی زرداری چین ءِ تر ءُ تاب ءَ شتگ۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ صدر ءِ جارکش ءَ گوشت کہ صدر چین ءِ حکومت ءِ دعوت ءِ سر ءَ چین ءِ تر ءُ تاب ءَ انت۔ ترجمان ءَ گوشت کہ صدر 12ستمبر ءَ بگر داں 21ستمبر ءَ چین ءِ جتا جتائیں دمگ آنی تر ءُ تاب ءَ کنت، آئی ءَ چینگڈو، شنگھائی ءُ سینکیانگ ءَ صوبائی سروک آنی گوما گند ءُ نند کنت۔ آئی ءَ گوشت کہ اے تر ءُ تاب ءَ چہ پاکستان ءُ چین ءِ نیام ءَ اسٹریٹجک کوآپریٹو شریکداری ءَ را گیش مھکم کنگ بیت ءُ صدر ءِ مملکت ءِ تر ءُ تاب خطہ ءَ امن، دیمروئی ءُ برجائی ءِ واستہ آئی ءِ جزم ءِ آدینک انت۔ جارکش ءَ گوشت کہ تر ءُ تاب ءِ وھد ءَ پاکستان ءُ چین ءِ سیادی ءُ اقتصادی ءُ تجارتی کمک ءِ سر ءَ گپ ءُ تران کنگ بیت، سی پیک ءُ آیوکیں کوآرڈینیشن منصوبگ آنی سر ءَ ھیال ءُ لیکہ کنگ بیت۔