صدر ءِ مملکت ءَ جنوبی پنجاب ءِ سیلاب ءَ چہ آماچیں مہلوک ءَ گوں یکوئی درشان

اسلام آباد۔12ستمبر  (اے پی پی): صدر ءِ مملکت آصف علی زرداری ءَ جنوبی پنجاب ءِ الس ءَ گوں دل ءِ جہلانکی ءَ ہمدردی ءِ درشانی کتگ کہ گوستگیں سیلاب ءَ چہ سک باز آماچ بوتگ انت۔ جمعہ ءِ روچ ءَ صدارتی ایوان ءِ پریس ونگ ءِ رد ءَ صدر ءَ ہزاراں مردم آناں بے دروریں مشکلات ءِ ذکر کتگ کہ آ وتی لوگاں چہ بے لوگ بوتگ انت ءُ سیلاب ءَ چہ آہانی زندمان سک باز تاوان بوتگ۔ آئی ءَ راج ءَ را دل یکیمی دات کہ حکومت اے نازرکیں ساھت ءَ سیلاب ءَ چہ آماچیں کمیونٹیز ءِ گوما اوشتاتگ۔ صدر ءِ مملکت ءَ گوشت کہ صوبائی واکدار، سلاہ بندیں اُرد ءُ انسانی کمکی ادارگ آنی گوما نزیکی ءِ گوما ریسکیو، ریلیف ءُ ریہیبلیٹیشن آپریشن کنگ بوھگ ءَ انت تانکہ زلورت مند آناں المی ئیں کمک پجاری کنگ بہ بیت۔ حکومت ءَ کشت ءُ کشاری ءُ مالداری ءِ تہ ءَ مزنیں تاوان ءِ رد ءَ بلاول بھٹو زرداری ءِ لوٹ ءِ رد ءَ ملک ءَ کشت ءُ کشاری ایمرجنسی ءِ جار جتگ ۔ اے ھاسیں گامگیج ءِ مول ءُ مراد کشت ءُ کشاری ءِ رکھینگ، فوڈ سیکیورٹی ءَ را دل یکیمی کنگ ءُ کشت ءُ کشاری شوبگ ءِ ترندیں ریکوری ءَ را دل یکیمی کنگ اِنت۔ صدر آصف علی زرداری ءَ شہری آناں زور پر دات کہ آ یکجائی ءُ ھوشیار بہ بنت ءُ برجاھیں کمکی کار آناں کمک بہ کن اَنت۔ آئی ءَ اے گپ ءِ سر ءَ دل یکیمی کت کہ حکومت آماچیں دمگ آنی زوتیں ضلورت ءُ دراجیں مدت ءِ بحالی ءِ واستہ ھمک رنگ ءِ وسیلگ پجاری ءَ برجاہ دار ایت۔