صدر آصف علی زرداری چین نا دورہ غا روانہ

اسلام آباد۔ 12 ستمبر (اے پی پی) صدر مملکت آصف علی زرداری چین نا دورہ غا روانہ مس۔ ایوان ءِ صدر نا پریس ونگ آن جاری بیان نا رداٹ صدر مملکت نا ترجمان جمعہ نادے آپارے کہ صدر ءِ مملکت چینی حکومت نا سلہ غا چین نا دورہ ءِ کننگ ءِ۔ ترجمان پارے کہ صدر مملکت 12 آن 21 ستمبر اسکان چین نا چندی علاقہ غاتا دورہ ءِ کیک ، اونا چنگڈو، شنگھائی و سنکیانگ اٹی صوبائی سرکڑدہ غاتون اوڑدہی مریک۔ اوپارے کہ دورہ غان پاکستان و چین نا سٹریٹجک کمکاری آ تالان شریداری پین سوگو مریک، صدر مملکت نا دورہ ڈیہہ اٹی امن، شونداری وسوگوی نا عزم انا ڈیک ءِ۔ ترجمان پارے کہ پاکستان، چین تعلقداری و اقتصادی و واپاری کمکاری آ گپ وتران مریک ، دورہ ٹی سی پیک و آخبت نا رابطہ کاری ڈٹ آتیا سجفنگک۔