صدر مملکت نا سویلی پنجاب نا نوکاپ آن زہمی مخلوق تون یکجہتی نا درشان

اسلام آباد۔ 12 ستمبر (اے پی پی) صدر مملکت آصف علی زرداری ساڑی آنوکاپ آن زہمی مروک آ سویلی پنجاب نا الس تون گہری ہمدردی و یکجہتی نا درشانی ءِ کرینے۔ جمعہ نادے آ ایوان ءِ صدر نا پریس ونگ انا رداٹ صدر مملکت ہموہزار آ مخلوق ءِ مون تروک بے پناہ مشکل آتا ذکر ءِ کرے ہرا تینا اُراتیان بے اُرا مسنو و ہرافتا روزگار نوکاپ آن بھاز بے وڑ زہمی مسنے۔ اوقوم ءِ باوری کرفے کہ دانازرک وخت اٹی نوکاپ آن زہمی کمیونٹی تتون سلوک ءِ۔ صدر مملکت پارے کہ بچفنگ، ریلیف و بحالی نا کارروائیک صوبائی کمامدار، سلہہ بند فوج و انسانی ہمدردی کن کاریم کروک آ تنظیم آتون خڑکی ہم گرنچی تون برجاءُ تانکہ ضرورت مند آتے المی امداد فراوان کننگ مرے۔ حکومت کشت وکشار و ساہدار تا بھلا نسخان نا رداٹ بلاول بھٹو زرداری نا خواست آعمل کرسا ملک اٹی کشاری ایمرجنسی نا پڑو کرینے۔ دا اہم گام انا مسخت بزغرآتا رکھ، خور انا رکھ و کشاری بشخ انا ترندی اٹ بحالی ءِ پک کننگ ءِ۔ صدر مملکت آصف علی زرداری شاری تیا زور شاغا کہ او متحد و چوکس مننگ تون اوار اوار برجاکمکی کوشست آتا مخ تفی ءِ کیر ۔ اودا پت انا درشانی ءِ کرے کہ حکومت زہمی علاقہ غاتا دمدستی گرج و مریس مدی بحالی کن غٹ المی وسیلہ غاتا فراوانی ءِ برجاتخک۔