نوکاپ آن زہمی علاقہ غاتیکن 5 ہزار تمبو وکمکی گڑاپنجاب آ روانہ کرے، این ڈی ایم اے

اسلام آباد۔ 12 ستمبر (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) وزیراعظم نا خصوصی پارت آ نوکاپ آن زہمی علاقہ غاتیکن 5 ہزار تمبو و کمکی گڑاپنجاب آ روانہ کرے۔ این ڈی ایم اے نا رداٹ اسلام آباد اٹی ساڑی ویئر ہاؤس آن روانہ کروک آکمکی گڑاتیٹی پنچ ہزار تمبو اوار ءُ، ہرا پنجاب آ سرمننگ آ پی ڈی ایم اے نا دوٹی تننگرہ۔ ترجمان پارے کہ داتم اسکان پنجاب ءِ کم و ود اِرا ہزار ٹن کمکی گڑا فراوان کننگانے، ہرافتے ٹی تمبو، کمبل، مچھردانی، رضائی، فولڈنگ بیڈ، دِیر انا کین، فلٹریشن پلانٹ و17 کشتی اوار ءُ، این ڈی ایم اے غٹ سول و عسکری ادارہ غاتون خڑکی رابطہ ٹی ءِ و کمکی سرجزآتا بیست ءُ چار گھنٹہ چاروکی ءِ کننگ ءِ تانکہ زہمی الس اسکان وخت آ ریلیف ءِ سرکننگ مرے۔