میجر راجہ عزیز بھٹی نشان ءِ حیدر نا جیرت و بہادری ءِ تانکسکان دنیا ارے یات تخنگک، وزیراعظم شہباز شریف

اسلام آباد۔ 12 ستمبر (اے پی پی) وزیراعظم محمد شہباز شریف پارینے کہ میجر راجہ عزیز بھٹی نشان ءِ حیدر جیرت و بہادری نا ہندن ءُ درور اس قائم کرے ہرا تانکسکان دنیا ارے یات تخنگک۔ میجر راجہ عزیز بھٹی شہید نشان ءِ حیدر نا 60 می شہیدی دے آ اودے خراج عقیدت پیش کرسا وزیراعظم پارے کہ 1965 نا پاک بھارت جنگ اٹی پدریسہ پنچ دے اسکان دشمن نا جلہو آتے پسپا کرسا میجر راجہ عزیز بھٹی شہید نشان ءِ حیدر دشمن نا لاہور  آ کوزہ کرسا جشن اڈتننگ نا ناپاک عزم ءِ مش تا کرے، میجر راجہ عزیز بھٹی شہید نشان ءِ حیدر و اونا خاہوت کنتون اوار مچ آ قوم ءِ گمر ءِ۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پارے کہ پاکستان نا فوج ارض وطن نا دفاع کن دے و نن لگوک ءِ ، ہراتم ہم دشمن پاکستان نا کنڈ آخراب انگا نظر اٹ ہرا پاک فوج انا آفیسر وورناک میجر راجہ عزیز بھٹی شہید نشان ءِ حیدر آنبار سوگو ءُ دیوال اس جوڑ مرسا وطن ءِ عزیز نا رکھ ءِ کریر۔ اوپارے کہ پاکستان نا رکھ انا بدل مفروک عزم اٹی کنتون اوار مچ آ قوم تینا بہادر فوج اتون ہم کوپہ سلوک ءِ۔