راجی اسمبلی ءِ اھوالکاری ءُ شنگ کاری ءِ قائمہ کمیٹی ءِ دیوان، ریاستی نشریات ءِ تنظیم ءِ اینکر آنی واستہ ضابطہ اخلاق ءِ جوڑ کنگ ءِ سپارش کتگ، کمیٹی ءَ ڈی سی ڈی ءِ کارکردگی ءِ سر ءَ دل یکیمی ءِ درشان

اسلام آباد۔11 ستمبر (اے پی پی): راجی اسمبلی ءِ اطلاعات ءُُ نشریات ءِ قائمہ کمیٹی ءَ ریاستی نشریات ءِ ادارگ ءِ اینکر ءِ نیمگ ءَ یک خاصیں قومیت ءِ ھلاپ ءَ توہین آمیزیں گپ آنی سر ءَ جیڈھ ءِ درشانی کتگ ءُُ ریاستی نشریات ءِ ادارگ ءِ اینکر آنی واستہ ضابطہ اخلاق ءِ جوڑ کنگ ءِ سفارش کتگ۔ قومی اسمبلی سیکرٹریٹ ءِ نیمگ ءَ جاڑی بوتگیں پریس ریلیز ءِ رد ءَ قائمہ کمیٹی ءِ دیوان پنچ شمبے ءِ روچ ءَ پاک چین دوستی مرکز ءَ بوت۔ دیوان ءِ سروکی ءَ راجی اسمبلی ءِ باسک پلین بلوچ ءَ کتگ ات۔ قائمہ کمیٹی ءَ اینکر ءِ نیمگ ءَ اے وڑیں تبصرہانی سر ءَ نا وشیں تب ءِ درشانی کتگ کہ ایشی ءَ چہ مزنیں کساسے ءَ مردم غم ءُ اندوھ ءِ آماچ بوتگ اَنت۔ کمیٹی ءَ مذکورہ اینکر ءَ چہ ریکوری ءُ سرکاری میڈیا ءَ آئی ءَ را بلیک لسٹ کنگ ءِ سفارش کتگ۔ کمیٹی ءَ اے گپ ءِ سرا زور دات کہ راجی خزانہ ءَ چہ معاوضہ ءِ رسگ ءِ ہر مردم ءِ سرا یک خاصیں ضابطہ اخلاق ءِ سرا عمل کنگ بہ بیت۔ وفاقی انفارمیشن سیکرٹری ءَ کمیٹی ءَ را ھال دات کہ چو کہ اینکر ءِ ولاگ ءِ تہ ءَ توہین آمیزیں گپ پدر بوت اَنت آئی ءِ کنٹریکٹ زوت معطل کنگ بوت ءُ پد ءَ ھلاس کنگ بوت۔ آئی ءَ اے گپ ءِ سر ءَ تپاک کت کہ کس ءَ راجی یکوئی ءُ بین صوبائی ھمگرنچی ءَ را متاثر کنگ ءِ جرات مہ بیت۔ آئی ءَ گوشت کہ استیں اینکر نگران حکومت ءِ وھد ءَ کرایہ ءِ سر ءَ گرگ بوتگ ءُُ پی ٹی وی ءَ کار کنوکیں اینکر آنی واستہ کراس پوسٹنگ ءِ سر ءَ ھچ وڑیں بندش نیست۔ محکمہ ڈیجیٹل کمیونیکیشن (ڈی سی ڈی) ءِ کار ءُ کرد ءُ کارکردگی ءِ بابت ءَ کمیٹی ءَ را سرپد کنگ بوت۔ کمیٹی ءَ را سرپدی دیگ بوت کہ اے ادارگ ءِ جوڑ کنگ ءِ مول ءُ مراد راجی سلامتی ءِ رکھینگ، ردیں ھالانی شنگ ءُ تالان کنگ ءِ ھلاپ ءَ جنگ ءُ مذھبی ھمگرنچی ءِ دیمروئی اِنت۔ کمیٹی ءَ را گیش سرپدی دیگ بوت کہ ڈیجیٹل دنیا ءَ پیداکیں ھترہ آنی رد ءَ ڈی سی ڈی نوکیں ٹیکنالوجی ءَ گوں لیس اِنت تانکہ راجی مفاد ءِ ھاترا ھرچ ھترہ ءِ ھلاپ ءَ جوانیں پسو ءِ تیاری ءُُ پجارینگ بہ بیت۔ کمیٹی ءَ را اے ھم سرپد کنگ بوت کہ پہلگام ءِ وئیل ءَ پد پاکستان ءُُ بھارت ءِ جیڈھ ءِ وھد ءَ پاکستان ءِ راجی موقف ءِ جوانیں رنگ ءَ پیش کنگ ءُُ فتنہ الخریج ءِ ھلاپ ءَ کارروائی ءِ تہ ءَ ڈی سی ڈی ءَ مزنیں کرد پیلو کتگ۔ کمیٹی ءِ باسکاں ڈی سی ڈی ءِ کوشست آناں ساڑات۔ وتی گوستگیں دیوان ءَ داتگیں سوج آنی سر ءَ عمل کنگ ءِ واستہ کمیٹی ءَ ہدایت کتگ کہ سول سوسائٹی ءِ نیمگ ءَ چہ پاکستان انفارمیشن کمیشن ءِ باسک جوڑ کنگ ءِ کار زوتاں چہ زوت سرجم کنگ بہ بیت۔ وزارت ءَ گوشت کہ اے عمل آیوکیں دو ماہ ءِ اندر ءَ سرجم کنگ بیت۔ اے پی پی ءِ اکاؤنٹس ءَ کرپشن ءِ معاملہ ءَ کمیٹی ءَ ہدایت کتگ کہ اے پی پی ءَ سکیں مالیاتی کنٹرول ءِ گامگیج ایر کنگ بہ بنت دانکہ آیوکیں وھد ءَ اے وڑیں وئیل مہ بنت۔ دیوان ءَ راجی اسمبلی ءِ باسک ندیم عباس، کرن عمران ڈار، آسیہ ناز تنولی، کرن حیدر، صلاح الدین جونیجو، سحر کامران، سید امین الحق، رانا انصر، شاہین (چہ زوم ءِ وسیلگ ءَ)، پارلیمانی سیکرٹری اھوالکاری ءُ شنگ کاری، بیرسٹر دانیال چوہدری، بنجاھی سیکریٹری اھوالکاری ءُ شنگ امبرین جان ءُ وزارت ءِ ایندگر کارندہ آں بھر زرت.