قائداعظمؒ نا ولولہ انگیز سرکڑدہ ئی و بدل مفروک عزم پاکستان نا جوڑ کننگ نا بنداو ءِ، اسپیکر قومی اسمبلی سردار ایاز صادق

اسلام آباد۔ 11 ستمبر (اے پی پی) اسپیکر قومی اسمبلی سردار ایاز صادق قائداعظم محمد علی جناح ءِ خراج ءِ عقیدت پیش کرساپارینے کہ اونا ولولہ انگیز سرکڑدہ ئی و بدل مفروک عزم پاکستان نا جوڑ کننگ نا بنداوءِ، بابائے قوم نا سیوت، ایمان و تنظیم نا راہشون اصول آتے تینا کننگ آن بیدس ساڑی آچیلنج آتا ایسری ممکن اف، ورناچین قائد اعظم نا نقش ءِ قدم آ چلینگسا ملک انا شونداری و شونہالی ٹی کڑد ادا کے۔ بابائے قوم قائد اعظم محمد علی جناح نا 77 می کزیہ دے انا وخت آ تینا کلہو اٹی اوپارے کہ پاکستان ءِ شونہال و شون ہلوک ملک آتا صف اٹی اوار کننگ کن ورناک تیناتوانائی تے صرف کیر ۔ اسپیکر قوم آن نوکاپ آن زہمی تا است انا ہب اٹ کمک ءِ کننگ نا خواست کرساپارے کہ قوم ءِ اینو ولدا ہمو سیوت و حوصلہ نا درشانی ءِ کروئی مرے ہرا قیام پاکستان نا وخت آ قائد اعظم نا کماشی ٹی کریسر، سیاسی واکدارآک اختلافات آتے گیرام کرسا نوکاپ آن زہمی تے ریلیف فراوان کننگ اٹ فعال کڑد ادا کیر۔ اوپارے کہ قائد اعظم مدام آئین و کانود نا بالادستی و سخت خواری آ زور شاغا ، پاکستان ءِ قائدا عظم نا فکر آتے مون آتخسا امن، شونداری و انصاف نا گہوارہ اس جوڑ کننگے۔