اسلام آباد۔11ستمبر (اے پی پی): مزن وزیر محمد شہباز شریف ءَ گتر ءِ سر ءَ اسرائیل ءِ زوراکی ءِ سر ءَ گتر ءِ امیر شیخ تمیم بن حمد الثانی ، گتر ءِ شاہی ھاندان ءُ گتر ءِ الس ءَ گوں یکوئی ءِ درشان کنگ ءِ ھاترا یک روچی تر ءُ تاب ءِ واستہ دوحہ ءَ شتگ ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ …
مزن وزیر محمد شہباز شریف گتر ءِ سرا اسرائیل ءِ زوراکی ءِ سرا گتر ءِ امیر شیخ تمیم ءِ گوما یکوئی ءِ درشان کنگ ءِ ھاترا دوحہ ءَ روادگ
گیشتریں ھال
اسلام آباد۔11ستمبر (اے پی پی): مزن وزیر محمد شہباز شریف ءَ گتر ءِ سر ءَ اسرائیل ءِ زوراکی ءِ سر ءَ گتر ءِ امیر شیخ تمیم بن حمد الثانی ، گتر ءِ شاہی ھاندان ءُ گتر ءِ الس ءَ گوں یکوئی ءِ درشان کنگ ءِ ھاترا یک روچی تر ءُ تاب ءِ واستہ دوحہ ءَ شتگ ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر محمد اسحاق ڈار، وزیر دیمپانی خواجہ محمد آصف، وزیر ءِ اھوالکاری ءُ شنگ کاری عطا اللہ تارڑ ءُ ھاسیں کمکار طارق فاطمی مزن وزیر ءِ ڈیلیگیشن ءِ بھر اَنت۔ مزن وزیر دوحہ ءَ گتری امیر شیخ تمیم بن حمد الثانی ءَ گوں گند ءُ نند کنت ءُ ناجائزیں اسرائیل ءِ زوراکی ءُ دوحہ ءِ سرا اُرش ءِ تناظر ءَ گتری امیر ءُ گتری الس ءَ گوں یکوئی ءِ درشان کنت کہ اے میاں اوستمانی کانود ءِ ھاسیں خلاف ورزی انت۔ گتر ءُ پاکستان ءِ نیام ءَ یکجائی مذہب ءُ قدر ءُ قیمتانی بنیاد ءَ دیریں راجدپتری براتی سیادی است انت۔ پاکستان ءَ ھمک گرانیں وھد ءَ گتر ءِ کمک کتگ ءُ دیم ءَ ھم کنت ۔ مزن وزیر گتری امیر ءَ گوں گند ءُ نند ءَ اے گپ ءِ درشان ءَ کنت۔ اے دیوان ءَ اسرائیل ءِ بے جاہیں اُرش ءُ دمگ ءِ جتا جتائیں ملکانی سر ءَ برجاھیں زوراکی ءُ ھمے رنگ ءَ دمگ ءَ امن ءِ برجائی ءِ سر ءَ گپ ءُ تران کنگ بیت۔
