صدر ءِ مملکت آصف علی زرداری ءَ قائداعظم محمد علی جناح ءِ 77می مرگ ءِ سالروچ ءِ درگت ءَ آئی ءَ را  توسیپ ءُ ستا

اسلام آباد۔11ستمبر  (اے پی پی): صدر آصف علی زرداری ءَ گوشت کہ قائداعظم محمد علی جناح ءَ راج ءَ را پجار، آجوئی ءُ آجوئی داتگ، آئی ءِ وژن جمہوریت، انصاف، برابری ءُ رواداری ءِ سر ءَ پاکستان اِنت، دو راج ءِ نظریہ مرچی ھم راست ثابت بوھگ ءَ اِنت۔ صدارتی ایوان ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر آصف علی زرداری ءَ قائداعظم ءِ 77می بیرانی ءِ سالروچ ءِ سر ءَ آئی ءَ را شگر ءُ منت پیش کتگ ءُ گوشت کہ محمد علی جناح ءِ وژن جمہوریت، انصاف، برابری ءُ رواداری ءِ سر ءَ بنیات ءِ پاکستان اِنت، دو روچ ءِ رھبند اِنت۔ ہندوستان ءِ تہا اقلیتانی گوں سلوک دو راج ءِ نظریہ ءِ راستی ءِ ثبوت انت۔ صدر ءِ مملکت ءَ گوشت کہ پاکستان ءِ جوڑیشت یک راجدپتری ءُ المی ایں  پیسلہ ات، مارا قائد ءِ رھبند آنی پد ءَ دیم ءَ جنزگی اِنت۔ آئی ءَ گوشت کہ پاکستانی ورنا آناں موہ دیگ لوٹ ایت، زالبول آناں توان دیئگ لوٹ ایت، اقلیت آناں رکھینگ لوٹ ایت، وشیں باندات ایوک ءَ جمہوریت ءُ کانود ءِ حکمرانی ءَ چہ ممکن انت۔ آصف علی زرداری ءَ گوشت کہ قائداعظم ءِ رہشونی مرچی ھم مئے واستہ چراگ انت، یکوئی، ایمان، ءُ قربانی مئے راجی سفر ءِ راہ انت۔ صدر ءِ مملکت ءَ گوشت کہ پاکستان ءُ چیلنج ءَ گوں گر ءُ چیل بوھگ ءِ لائک اِنت، قائداعظم ءِ واب یک دیمروئی کتگیں، آباد ءُ مھکمیں پاکستان ءِ وسیلگ ءَ سرجم کنگ بیت۔