اسلام آباد ، اسپیکر قومی اسمبلی سردار ایاز صادق نا بھارتی سرپرستی ٹی دہشت گردی تالان کروک آ خوارج آتا چٹفنگ آ فورس آتے زبردست خراجِ عقیدت

اسلام آباد۔ 11 ستمبر (اے پی پی) اسپیکر قومی اسمبلی سردار ایاز صادق خیبرپختونخوا ٹی سیکورٹی فورس آتا سرسہب کارروائی تیا خراج ءِ تحسین پیش کرسا بھارتی سرپرستی ٹی دہشت گردی تالان کروک آ خوارج آتا چٹفنگ آ فورس آتے زبردست خراج ءِ عقیدت پیش کرے۔ قومی اسمبلی سیکرٹریٹ آن پنچ شنبے نادے آ جاری تینا کلہو اٹی اسپیکر پارے کہ دہشت گردی نا برخلاف پاک فوج، الس و پارلیمان اسہ پنہ غاٹو، مچ آملک اٹی امن وسوگوی کن سیکورٹی فورس آتا کوشست ستاکڑزک ۔ سردار ایاز صادق 19 بھارتی پراکسی خوارجی تے جہنمی کننگ آ سیکورٹی فورس آتا کسبی لائخی تا ستاءِ کرے و پارے کہ بھارتی سرپرستی ٹی تخریب کاری کروک آ زموار آک زوت تینا انجام آ سرمریرہ، پاکستانی الس و سیکورٹی ادارہ غاک دہشت گردی نا برخلاف سوگو ءُ دیوال اسے ءُ۔ اونا پاننگ ئس کہ دہشت گردی نا پورو چٹفنگ کن قوم انا بدل مفروک عزم ستاکڑزک، مچ آ قوم و پارلیمان دہشت گردی نا برخلاف قومی سلامتی نا ادارہ غاتون ہم کوپہ سلوک ءُ۔