اسلام آباد ۔ 11 ستمبر (اے پی پی) وزیراعظم محمد شہباز شریف پاکستان و بنگلہ دیش نا نیام اٹ السی رابطہ، علمی تبادلہ، واپاری و اقتصادی تعلقداری تون اوار ہڑتوم آ کنڈآتا تعلقداری نا مثبت سمت آ است جمی نا درشانی ءِ کرسا پارینے کہ ہڑتوم آملک آتا تعلقداری اسیجائی تاریخ، دودوربیدہ ئی رابطہ و گہری تعلقداری تیان تالان ءِ۔ پنچ شنبے نادے آ پی ایم آفس نا میڈیا …
پاکستان و بنگلہ دیش نا تعلقداری اسیجائی تاریخ، دودوربیدہ ئی رابطہ و گہری تعلقداری تیا تالان ءُ، وزیراعظم محمد شہباز شریف
گیشتریں ھال
اسلام آباد ۔ 11 ستمبر (اے پی پی) وزیراعظم محمد شہباز شریف پاکستان و بنگلہ دیش نا نیام اٹ السی رابطہ، علمی تبادلہ، واپاری و اقتصادی تعلقداری تون اوار ہڑتوم آ کنڈآتا تعلقداری نا مثبت سمت آ است جمی نا درشانی ءِ کرسا پارینے کہ ہڑتوم آملک آتا تعلقداری اسیجائی تاریخ، دودوربیدہ ئی رابطہ و گہری تعلقداری تیان تالان ءِ۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ او داخیال آتا درشانی ءِ داڑے بنگلہ دیش نا سلاہکار مذہبی امور ڈاکٹر اے ایف ایم خالد حسین تون گپ وتران کرسا کرے ہرا اوڑتون اوڑدہی کرے، پاکستان اٹی بنگلہ دیش نا ہائی کمشنر محمد اقبال حسین خان ہم اوڑتون اوار ئس۔ وزیراعظم ڈاکٹر خالد حسین و اونا ڈل ءِ بخیرکرساپارے کہ پاکستان و بنگلہ دیش نا نیام اٹ ہڑتوم آ کنڈآتا تعلقداری اسیجائی تاریخ، دودوربیدہ ئی رابطہ و گہری تعلقداری تیا تالان ءِ۔ السی رابطہ، علمی تبادلہ، واپاری و اقتصادی تعلقداری تون اوار ہڑتوم آ کنڈآتا تعلقداری نا مثبت سمت آ است جمی نا درشانی ءِ کرسا وزیراعظم ہڑتوم آملک آتا نیام اٹ تعلقداری نا پین مون آ دننگ نا گرج آ زور شاغا۔ نیویارک و قاہرہ ٹی مروک آ اوڑدہی تا ذکر ءِ کرسا وزیراعظم چیف ایڈوائزر پروفیسر محمد یونس نا دوراندیش سرکڑدہ ئی و نیزگاری نا چٹفنگ اٹ اونا کڑد اتون اوار اوار پاکستان و بنگلہ دیش نا تعلقداری تے سوگو کننگ نا است خواہی نا ستاءِ کرے۔ ڈاکٹر خالد حسین پارے کہ پاکستان و بنگلہ دیش نا نیام اٹ برادرانہ تعلقداری تاریخی رابطہ و اسیجائی مذہب تون گنڈوک ءِ۔ ڈاکٹر خالد حسین چیف ایڈوائزر پروفیسر محمد یونس نا اسہ چٹھی اس ہم وزیراعظم محمد شہباز شریف نا حوالہ کرے ہراٹی پاکستان اٹی نوکاپ آن مروک آ جونی ومالی نسخان تیا ہڑزخواہی نا درشانی و امداد نا پیش کش کننگا۔ اوڑدہی ٹی پاکستان و بنگلہ دیش نا نیام اٹ براہ راست جہاز آتا زوت بحالی نا گمان تیا ہم گپ وتران کننگا۔ وزیراعظم اومیت ظاہر کرے کہ ہڑتوم آملک آتا ہڑتوم آکنڈآتا تعلقداری ٹی ساڑی آ رفتار ءِ برقرار تخنگ کن بڑزکو کہول انا دورہ غاتا تبادلہ ءِ برجاتخرہ۔ دا چرجوئی ٹی وزیراعظم بنگلہ دیش نا چیف ایڈوائزر ءِ پاکستان نا سرکاری دورہ ءِ کننگ نا سلہ نا درشانی ءِ کرے۔ بنگلہ دیشی سلاہکار ہم وزیراعظم ءِ چیف ایڈوائزر و حکومت نا کنڈآن بنگلہ دیش نا دورہ نا سلہ خلک۔
