اسلام آباد۔ 11 ستمبر (اے پی پی) وزیراعظم محمد شہباز شریف قطر انا برخلاف اسرائیلی جارحیت آ امیر قطر شیخ تمیم بن حمد الثانی ، قطری شاہی خاہوت و قطری الس تون یکجہتی نا درشانی ءِ کننگ کن اسہ دے ئی دورہ غا دوحہ غا روانہ مس۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ نائب وزیراعظم و وزیرخارجہ محمد اسحاق ڈار، …
وزیراعظم محمد شہباز شریف قطر انا برخلاف اسرائیلی جارحیت آ امیر قطر شیخ تمیم تون یکجہتی نا درشانی ءِ کننگ کن دوحہ روانہ مس
گیشتریں ھال
اسلام آباد۔ 11 ستمبر (اے پی پی) وزیراعظم محمد شہباز شریف قطر انا برخلاف اسرائیلی جارحیت آ امیر قطر شیخ تمیم بن حمد الثانی ، قطری شاہی خاہوت و قطری الس تون یکجہتی نا درشانی ءِ کننگ کن اسہ دے ئی دورہ غا دوحہ غا روانہ مس۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ نائب وزیراعظم و وزیرخارجہ محمد اسحاق ڈار، وزیر دفاع خواجہ محمد آصف، وزیرحوالکاری و شینکاری عطاء اللہ تارڑ و خصوصی کمکار طارق فاطمی وزیراعظم نا ڈل اٹی اوار ءُ ، وزیراعظم دوحہ ٹی قطر انا امیر شیخ تمیم بن حمد الثانی تون اوڑدہی کیک ودوحہ غا بلاجواز اسرائیلی جارحیت و جہانی کانود نا اسُل منافی جلہو نا رداٹ قطری امیر و قطری الس تون یکجہتی نا درشانی ءِ کیک۔ قطر و پاکستان نا نیام اٹ متکن آ تاریخی برادرانہ تعلقداری ءِ ہرا اسیجائی مذہب و قدر آ تالان ءِ، پاکستان قطر انا مدام ہرمشکل اٹی ساتھ تس و ترسا کیک، دانا درشانی ءِ وزیراعظم قطری امیر تون اوڑدہی ٹی کیک۔ اوڑدہی ٹی اسرائیل نا ڈیہہ اٹی چندی ملک آتیا بلاجواز جلہو و پدریسہ جارحیت تون اوار اوار علاقہ ٹی امن کن سلابت مریک۔
