صدر مملکت آصف علی زرداری نا قائد اعظم محمد علی جناح نا 77 می کزیہ دے آ اودے زبردست خراج ءِ عقیدت

اسلام آباد۔ 11 ستمبر (اے پی پی) صدر مملکت آصف علی زرداری پارینے کہ قائد اعظم محمد علی جناح قوم ءِ شناخت، خودداری و آجوئی دے، اونا وژن، جمہوریت، انصاف، بریبری و رواداری آ تالان پاکستان ءِ، دوقومی نظریہ اینو ہم سہی پک مننگ ءِ۔ ایوان ءِ صدر نا پریس ونگ آن جاری بیان نا رداٹ صدر ءِ مملکت آصف علی زرداری قائد اعظم نا 77 می کزیہ دے آ اودے زبردست خراج ءِ عقیدت پیش کرساپارے کہ محمد علی جناح نا وژن ، جمہوریت، انصاف، بریبری و رواداری آ تالان پاکستان ءِ، دوقومی نظریہ اینو ہم سہی پک مننگ ءِ۔ بھارت اٹی اقلیت آتون سلوک دوقومی نظریہ نا سچائی نا شاہدی ءِ۔ صدر مملکت پارے کہ پاکستان نا جوڑ مننگ اسہ تاریخی والمی فیصلہ اس ئس، ننے قائد نا اصول آتیا عمل کرسا مون آ ہنوئی مریک۔ اوپارے کہ پاکستانی ورناتے وارخواہی، زالبول آتے واکدار، اقلیت آتے رکھ تروئی مریک، جمہوریت و کانود نا حکمرانی اٹ روشنا آخبت ممکن ءِ۔ آصف علی زرداری پارے کہ قائد اعظم نا راہشونی اینو ہم ننکن کسر نا ڈیوا ءِ، سیوت، ایمان و قربانی ننا قومی سفر نا کسر ءِ۔ صدر مملکت پارے کہ پاکستان چیلنج آتون مون تننگ نا لائخی تخک ، قائد اعظم نا تغ اسہ شون ہلوک، شونہال وسوگو پاکستان ءِ۔