اسلام آباد۔ 11ستمبر (اے پی پی) وزیراعظم محمد شہباز شریف دوحہ نا ہنکینی علاقہ غاتیا ساڑی آ اسرائیلی لغور فضائی جلہو آتیان پد یکجہتی و علاقائی سیوت نا درشانی کن اینو(پنچ شنبے نادے آ) بڑزکو کہولی ڈل اتون اوار قطر انا دورہ ءِ کیک۔ پنچ شنبے نادے آ دفترخارجہ غان جاری بیان نا رداٹ نائب وزیراعظم و وزیرخارجہ سینیٹر محمد اسحاق ڈار ہم وزیراعظم تون اوار مریک۔ دادورہ قطر …
وزیراعظم محمد شہباز شریف دوحہ نا ہنکینی علاقہ غاتیا ساڑی آ اسرائیلی بزدلانہ فضائی جلہو آتیان پد یکجہتی و علاقائی سیوت نا درشانی کن اینو(پنچ شنبے ) نادے آ بڑزکو کہولی ڈل اتون اوار قطر انا دورہ ءِ کیک
گیشتریں ھال
اسلام آباد۔ 11ستمبر (اے پی پی) وزیراعظم محمد شہباز شریف دوحہ نا ہنکینی علاقہ غاتیا ساڑی آ اسرائیلی لغور فضائی جلہو آتیان پد یکجہتی و علاقائی سیوت نا درشانی کن اینو(پنچ شنبے نادے آ) بڑزکو کہولی ڈل اتون اوار قطر انا دورہ ءِ کیک۔ پنچ شنبے نادے آ دفترخارجہ غان جاری بیان نا رداٹ نائب وزیراعظم و وزیرخارجہ سینیٹر محمد اسحاق ڈار ہم وزیراعظم تون اوار مریک۔ دادورہ قطر انا سلامتی و وتواجہی کن پاکستان نا بدل مفروک مخ تفی و دے ٹک نیامی ٹی امن و سوگوی کن اونا پکا عزم انا درشانی ءِ۔ وزیراعظم دوحہ ٹی امیر قطر شیخ تمیم بن حمد الثانی تون اوڑدہی کیک وقطری سرکڑدہ و الس تون پاکستان نا گہری ہمدردی و پورو مخ تفی نا درشانی ءِ کیک۔
