پاکستان ءُ بحرین ءِ براتی سیادی وھد ءِ گوزگ ءَ گوں مھکم بوھگ ءَ انت، مزن وزیر شہباز شریف ءَ گوں بحرین ءِ تہی کارانی وزیر جنرل راشد بن عبداللہ الخلیفہ ءَ گپ ءُ تران کتگ

اسلام آباد۔10ستمبر  (اے پی پی): مزن وزیر شہباز شریف ءَ گوشت کہ پاکستان ءُ بحرین ءِ براتی سیادی وھد ءِ گوما مھکم بوھگ ءَ انت، دوئیں ملک تجارت ءُ اے دگہ شوبگ آنی تہ ءَ کمک ءَ را گیش کنگ ءِ واھشت مند انت، مئے واھشت انت کہ بحرین پاکستان ءَ جتاجتائیں شوبگ آنی تہ ءَ سرمایہ کاری بہ کنت۔ چار شمبے ءِ روچ ءَ مزن وزیر کارگس ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے ھیالانی درشانی بحرین ءِ تہی کارانی وزیر جنرل راشد بن عبداللہ الخلیفہ  ءَ گوں ادا گپ ءُ تران کنان ءَ کت انت آئی ءَ مزن وزیر گس ءَ آئی ءَ گوں گند ءُ نند کت۔ مزن وزیر ءَ بحرین ءِ تہی کارانی وزیر ءِ پاکستان ءَ آیگ ءِ پد ءَ وش آتک کت۔ مزن وزیر ءَ بحرین ءِ شاہ  حمد بن عیسیٰ الخلیفہ  ءِ واستہ نیکیں واھگ آنی درشان کت۔ آئی ءَ گوشت کہ بحرین ءُ پاکستان ءِ نیام ءَ گہتریں براتی سیادی است انت ایش وھد ءِ گوزگ ءَ گوں گیش مھکم بوھگ ءَ انت۔ آئی ءَ گوشت کہ پاکستان بحرین ءِ گوما تجارت ءَ ھوار بازیں شوبگ آنی تہ ءَ کمک ءَ را گیش کنگ ءِ واھشت مند اِنت۔ آئی ءَ گوشت کہ بحرین ءَ یک لکھ لکھ ءِ نزیک ءَ پاکستانی است انت کہ آ دوئیں ملک آنی دیمروئی ءِ تہ ءَ کرد پیلو کنگ ءَ انت۔ مزن وزیر ءَ گوشت کہ پاکستان بحرین ءِ سرمایہ کار ءُ کاروباری مردماں ویزہ پروسیسنگ ءِ آسراتی پھجاری کنگ ءَ انت۔ آئی ءَ گوشت کہ مئے لوٹ اِنت کہ بحرین پاکستان ءَ جتا جتائیں شوبگ آنی تہ ءَ سرمایہ کاری بہ کنت، ما برطانیہ ءِ سرمایہ کار ءُ کاروباری مردم آناں ھمک رنگ ءَ آسراتی پجاری ءِ کوشست ءَ کنگ ءَ آں، ھاسیں سرمایہ کاری آسراتی کونسل اے رد ءَ مزنیں کردے پیلو کنگ ءَ اِنت۔ مزن وزیر ءَ بحرین پولیس ءِ کارندہ آناں اسلام آباد ءَ نیشنل پولیس اکیڈمی ءَ ھم دعوت دات۔ بحرین ءِ تہی کارانی وزیر ءَ مزن وزیر ءِ پاکستان ءَ گرمیں وش اتک ءُ مہمان داری ءِ پد ءَ شگر ءُ منت گپت۔ گند ءُ نند ءَ نائب مزن  وزیر  ءُ وزیر درئی کار  اسحاق ڈار ، وفاقی وزیر  تہی کار  محسن نقوی ، وزیر مملکت برائے  تہی کار طلال چوہدری ، مزن وزیر ءِ ھاسیں کمکار طارق فاطمی ءُ سیادی داروکیں مزنیں سرکاری کارندہ آں ھم بھر زوری کت۔