وفاقی وزیر ڈاکٹر مصدق ملک ءَ جمہوریہ کرغزستان ءِ ہائی کمیشن ءِ چارج ڈی افیئرز  لوک مائرز  ءَ گوں گند ءُ نند کتگ، انوگیں تباہ کنوکیں  سیلاپ  ءِ جاور ءُ دوئیں ملکانی نیام ءَ دو نیمگی کمک ءِ آسراتی ءِ بابت ءَ گپ ءُ تران کتگ

اسلام آباد۔10ستمبر  (اے پی پی): موسمیاتی بدلی ءُ چاگردی رکھینگ ءِ وفاقی وزیر ڈاکٹر مصدق ملک ءَ جمہوریہ کرغزستان ءِ چارج ڈی افیئرز لوک مائرز ءَ گوں گند ءُ نند کتگ ءُ ایشی ءِ تہا پاکستان ءِ استیں تباہ کنوکیں زمین چنڈ ءِ جاور ءُ دوئیں ملک آنی نیام ءَ دو نیمگی کمک ءِ آسراتی ءِ بابت ءَ گپ ءُ تران کتگ۔ لوک مائیرز ءَ پاکستان ءِ الس ءِ گوما دلپدردی ءُ یکوئی ءِ درشانی کتگ ءُ گوستگیں روچ ءِ زمین چنڈ ءِ سبب ءَ جانی ءُ مال ءِ تاوان ءِ سر ءَ اپسوز ءِ درشانی کتگ۔ ڈاکٹر مصدق ملک ءَ لوک مائیرز ءَ را ھال دات کہ انوگیں زمین چنڈ ءِ سبب ءَ نزیک ءَ 3.6 ملین مردم بے لوگ بوتگ انت۔ آئی ءَ گوشت کہ اگاں چہ ریسکیو آپریشن جاری ءُ دیمروئی کنگ ءَ انت بلے اصل چیلنج ھما وھد ءَ پدر بیت کہ آپ ءِ کشگ ءَ پد تباہی ءُ ڈھانچہ ءِ تاوان گیش پدر بنت۔ گند ءُ نند ءِ ساھت ءَ دوئیں راہشوناں سیلاب ءِ سبب ءَ پاکستان ءِ وردن ءُ وراک ءِ ایمنی ءِ سر ءَ تاوان ءِ بابت ءَ ھم سرجمی ءَ گپ ءُ تران کت ۔ اے درگت ءَ ما جی ایم او ءِ بیج ءِ کارمرد کنگ ءِ وسیلگ ءَ فوڈ سیکیورٹی، تجارتی موہ ءُ زرعی پیداواری ءِ تہ ءَ گہتری ءِ امکانات آنی سر ءَ ھیال ءُ لیکہ کن ایں ۔ ڈاکٹر مصدق ملک ءَ گیش گوشت کہ وزارت موسمیاتی بدلی ءُ چاگردی رکھینگ ءِ ادارگ ڈیٹا ءِ سر ءَ کار کنگ ءَ اِنت تانکہ ساپ ءُ سلہ ئی  ءَ را دل یکیمی کنگ، ریگولیٹری کار آناں گہتر کنگ ءُ کارکردگی ءَ را گیش کنگ بہ بیت۔ دوئیں نیمگ ءَ اے گپ ءِ سر ءَ تپاک کنگ بوت کہ موسمی برجائی، فوڈ سیکیورٹی ءُ برجمیں دیمروئی ءِ شوبگ آنی تہ ءَ وت مہ وتی کمک ءَ را گیش دیمروئی دیگ ءِ واستہ جوانیں گامگیج چست کنگ بنت ءُ پاکستان ءُ کینیا ءِ نیام ءَ دو نیمگی سیادی ءَ را گیش مھکم کنگ ءِ واستہ کار کنگ بیت۔