چین ءُ پاکستان ءِ نیام ءَ شنگھائی کمکی گل ءِ فریم ورک ءِ چیر دستی ءَ کمک ءَ را گیش کنگ ءَ برجاہ دارگ بیت، پاکستان ءَ چین ءِ سفیر جیانگ زیڈونگ

اسلام آباد۔10ستمبر (اے پی پی): پاکستان ءَ چین ءِ سفیر جیانگ زیڈونگ ءَ گوشت کہ چین ءُ پاکستان شنگھائی کمکی گل ءِ چیر دستی ءَ کمک ءَ را گیش کنگ ءَ برجاہ دار اَنت ءُ صدر ءِ مملکت ءَ پیش کرتگیں گلوبل گورننس انیشیٹیو ءِ چیر دستی ءَ دگنیا ءِ امن، مھکم ءُ دیمروئی ءِ واستہ یکجائی ءَ کار کن اَنت۔ وزیر شہباز شریف ءِ چین ءِ گوستگیں تر ءُ تاب، ایس سی او ءِ تیانجن سروک دیوان ءِ آسر، گلوبل گورننس ءِ گامگیج ءُ جاپان ءِ زوراکی ءِ ھلاپ ءَ چینی راج ءِ مزاحمت ءِ سوبمندی ءِ ھشتادی سالروچ ءُ جھان ءِ اینٹی فاشسٹ جنگ۔ یک شانداریں آسر ءُ یکوئی، دوستی ءُ عملی آسراتی ءِ یک مچی یے بوتگ۔آئی ءَ گوشت کہ مزن وزیر شہباز شریف ءَ ھوار 20 ءَ چہ گیش ملک ءُ حکومت ءِ سروک ءُ 10 میاں اوستمانی گل آنی سروکاں سروک دیوان ءَ بھر زرتگ، ایشی ءَ چہ ایس سی او ءِ باسک 27 ءَ سر بوتگ۔ اجماع ءُ کمک ءَ را دیم ءَ برگ ءَ انت۔ جیانگ ءَ گشتگ کہ سروک دیوان ءَ چہ 10 سالی دیمروئی ءِ حکمت عملی ءِ جوڑ کنگ، دومی جہانی جنگ ءِ آسر آنی برجائی، کثیر جہتی تجارتی نظام ءِ حمایت کنگ، چار سیکورٹی مراگش ءِ جوڑ کنگ، ایس سی او ءِ دیمروئی بینک ءِ جوڑ کنگ ءِ پیسلہ کنگ، دیمروئی ءِ ھاتر ءَ شش تیاری ءِ منصوبہ ءِ بندات کنگ، دیمروئی ءِ ھاتر ءَ شش ہائی کوآپریشن پلیٹ فارم ءِ بندات کنگ ھوار انت۔ چین ءِ کمک ءِ سر ءَ چمشانک دیان ءَ آئی ءَ گوشت کہ صدر شی جن پنگ ءَ باسکیں ملک آنی تہ ءَ 100 دھکان ءُ زیبائیں‘‘ زندمان ءِ منصوبگ آنی جار جتگ، ایشی ءِ تہ ءَ اے سال ءَ 2ارب یوآن کمک، آیوکیں سئے سال آنی تہ ءَ ایس سی او انٹر بینک کنسورشیم ءِ وسیلگ ءَ 10ارب یوآن ءِ وام ءُ آیوکیں سئے سال آنی تہ ءَ پنچ ارب یوآن ءِ وام دیگ بیت۔ دہ ہزار تربیت ءِ موہ ءِ جار جتگ۔ جیانگ ءَ گوشت کہ اے عملی گامگیج چین ءِ جھان ءِ دیمروئی، تہذیب آنی نیام ءَ تبادلہ ءُ انسانی دیمروئی ءِ دیمروئی ءِ ذمہ واری ءُ عزم ءِ سرجمی ءَ پدر کن اَنت۔ سفیر ءَ سروک دیوان ءَ پاکستان ءِ سرگرمیں کرد ءِ توسیپ کت۔ آئی ءَ گوشت کہ صدر آصف علی زرداری ءُ مزن وزیر شہباز شریف ءَ دمگی کمک ءُ یکوئی ءِ واستہ پاکستان ءِ مھکمیں جزم ءِ یک رندے پدا گوشت۔ جیانگ ءَ گوشت کہ مزن وزیر شہباز شریف ءَ شنگھائی کوآپریشن آرگنائزیشن ءَ را یک انچیں پلیٹ فارم ءِ رنگ ءَ ساڑات کہ ایشی ءَ چہ دمگی کمک ءُ یکوئی ءِ واستہ پاکستان ءِ مھکمیں عزم ءِ جوانیں رنگ ءَ پدر بیت ءُ گوشت کہ پاکستان امن، دیمروئی ءُ وشھالی ءِ واستہ مدام چین ءِ گوما شانہ ءِ سر ءَ اوشتات کنت۔ گلوبل گورننس انیشیٹیو ءِ بابت ءَ گپ جنان ءَ جیانگ ءَ گوشت کہ اے چین ءِ نیمگ ءَ چہ گلوبل ڈویلپمنٹ انیشیٹیو، گلوبل سیکورٹی انیشیٹیو ءُ گلوبل سیویلائزیشن انیشیٹیو ءَ پد پیش کرتگیں یک دگہ ھاسیں راجی وشھالی اِنت۔ آئی ءَ گوشت کہ ایشی ءَ چہ گیش انصاف ءُ معقولیں گلوبل گورننس سسٹم ءِ جوڑیشت ءَ را مھکمیں رپک ءُ رھبند ءِ دیم ءَ آرگ بیت ءُ صدر شی جن پنگ ءِ پراہیں وژن ءُ ذمہ واری ءِ درشان کنگ بیت۔ جیانگ ءَ گوشت کہ مزن وزیر شہباز شریف ءَ ترند ءَ گوشت کہ گلوبل گورننس انیشیٹیو ءِ جہانی امن، دیمروئی ءُ برجائی ءِ واستہ سک باز ارزشت ءِ واھند اِنت ءُ اے مھکمیں کثیر جہتی ءِ نیمگ ءَ راجدپتری گامگیج اِنت۔ پاکستان ایشی ءِ سرجمیں حمایت ءَ کنت ءُ ایشی ءِ سر ءَ سرگرمیں رنگ ءَ عمل کنت۔ سفیر ءَ جاپان ءِ زوراکی ءِ ھلاپ ءَ مزاحمت ءِ چین ءِ راجی جنگ ءُ جھان ءِ اینٹی فاشسٹ جنگ ءِ تہ ءَ سوبمندی ءِ ھشتاد سالی روچ ءِ ھم ھال دات۔ آئی ءَ گوشت کہ یات یات ءِ مکسد راجدپتر ءَ را یات کنگ، بامرد آناں شرپ دیگ، امن ءِ پھازگ ءُ جوانیں آیوکیں باندات ءِ جوڑ کنگ انت۔ سفیر جیانگ ءَ گوشت کہ راجدپتر ءَ را شموشگ مہ بیت پرچا کہ جنگ ءِ وھد ءَ 35 ملین ءَ چہ گیش چینی مردماں وتی جان ندر کتگ ءُ انسانی تہذیب ءُ جھان ءِ امن ءِ رکھینگ ءَ ھاسیں کرد پیلو کتگ۔ سفیر ءَ اے گپ ءِ سر ءَ زور پر دات کہ چین ءِ جدید کنگ ایمنی ءِ دیمروئی ءَ گوں بندوک اِنت ءُ ملک امن ، برجائی ءُ دیمروئی ءِ واستہ یک قوت ءِ مانیت ۔ چین ءُ پاکستان دوئیں ملکاں زوراکی ءِ دیمپانی بوتگ ءُ دوئیں جھان ءِ امن ءُ الس ءِ وشھالی ءِ ودار ءَ انت۔ ما میاں اوستمانی انصاف ءُ انصاف ءِ برجائی ءُ انسانیت ءِ واستہ امن ءُ دیمروئی ءِ مول ءُ مراد ءَ را دیم ءَ برگ ءِ واستہ پاکستان ءِ گوما کار کنگ ءَ تیار ایں۔