اسلام آباد۔ 10 ستمبر (اے پی پی) وزیراعظم محمد شہباز شریف سندھ خاص کر کراچی ٹی نوکاپی حالیت آتا نوٹس ءِہلسا پارے کہ بنجاو سندھ حکومت حالیت آتون مون تننگ کن کوشست کننگ ءُ، این ڈی ایم اے کمکی کارروائی تیکن صوبائی حکومت و سندھ ڈیزاسٹر مینجمنٹ اتھارٹی تون پورو کمک کے، کراچی ٹی نوکاپ آن زہمی خاہوت آتا امداد و بحالی کن اولیتی گام گیج کننگے، نوکاپ اٹی …
بنجاوسندھ حکومت حالیت آتون مون تننگ کن کوشست کننگ ءُ، این ڈی ایم اے کمکی کارروائی تیکن صوبائی حکومت و سندھ ڈیزاسٹر مینجمنٹ اتھارٹی تون پورو کمک کے، وزیراعظم شہباز شریف
گیشتریں ھال
اسلام آباد۔ 10 ستمبر (اے پی پی) وزیراعظم محمد شہباز شریف سندھ خاص کر کراچی ٹی نوکاپی حالیت آتا نوٹس ءِہلسا پارے کہ بنجاو سندھ حکومت حالیت آتون مون تننگ کن کوشست کننگ ءُ، این ڈی ایم اے کمکی کارروائی تیکن صوبائی حکومت و سندھ ڈیزاسٹر مینجمنٹ اتھارٹی تون پورو کمک کے، کراچی ٹی نوکاپ آن زہمی خاہوت آتا امداد و بحالی کن اولیتی گام گیج کننگے، نوکاپ اٹی بے گوا مروک آ بندغ آتے زوت آن زوت پٹنگے، زہمی مواصلاتی نظام نا بحالی ءِ پک کننگے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم کراچی ٹی متحرک کمکی کارروائی تیا ریسکیو1122، پاک فوج و رینجرزناستاءِ کرے و گڈاب ندی ٹی شاری تا ڈبینگ انگ آ است ہسونی نا درشانی ءِ کرے۔ وزیراعظم پارت کرے کہ این ڈی ایم اے کراچی و سندھ انا ایلو علاقہ غاتیٹی نوکاپ نا رداٹ کمکی کارروائی تیکن صوبائی حکومت و سندھ ڈیزاسٹر مینجمنٹ اتھارٹی تون پورو کمک کے، تعلقدار ادارہ غاک نوکاپ اٹی بے گوا بندغ آتے زوت آن زوت پٹر، الس ءِ نوکاپی حالیت آتیان معلومدار کننگ کن آگاہی مہم ءِ پین متحرک کننگے تانکہ زیات آن زیات شاری نوکاپ آن بچنگ کیر۔ وزیراعظم پارت کرے کہ نوکاپ آن زہمی نظام مواصلات نا زوت آن زوت بحالی وکراچی ٹی نوکاپ آن زہمی خاہوت آتا امداد و بحالی کن اولیتی بنداوتیا گام گیج کننگے۔ اوپارے کہ نوکاپی حالیت آتون مون تننگ کن بنجاوسندھ حکومت پورو وڑاٹ متحرک ءُ۔
