وزیراعظم نا خصوصی پارت آ این ڈی ایم اے نانوکاپ آن زہمی علاقہ غاتیٹی کمکی آپریشن برجاء

اسلام آباد۔ 10ستمبر (اے پی پی) وزیراعظم محمد شہباز شریف نا خصوصی پارت آ نیشنل ڈیزاسٹر مینجمنٹ اتھارٹی (این ڈی ایم اے) نا نوکاپ آن زہمی علاقہ غاتیٹی کمکی آپریشن برجاءِ، 20 ٹرک آتیا تالان قافلہ کمکی گڑاتے ہرفساروانہ مس ۔ این ڈی ایم اے آن جاری بیان نا رداٹ اسلام آباد اٹی این ڈی ایم اے نا ویئرہاؤس آن اینو20ٹرک آتیا تالان کمکی گڑاتے پنجاب آ روانہ کننگانے، گڑاتے پی ڈی ایم اے پنجاب نا دُوٹی تننگک۔ کمکی گڑاتیٹی ہیٹرز، فولڈ بیڈز/لیپ و رضائی اوار ءُ۔ داکان مست 9 ستمبر آ 10 ٹرک آتیا تالان کمکی گڑاتا قافلہ ءِ ہم روانہ کننگانے، این ڈی ایم اے نا ہندی ویئر ہاؤس آن کمبل و دِیر انا کین ہم پی ڈی ایم اے پنجاب نا دُوٹی تننگا۔داتم اسکان پنجاب ءِ تروک آ 1513ٹن کمکی گڑاتیٹی کمبل، تمبو، مچھردانی، دِیر انا فلٹریشن پلانٹ، رضائی، فولڈنگ بیڈ، دِیر انا کین آتون اوار 17 کشتی اوار ءُ۔ این ڈی ایم اے غٹ تعلقدار سول وعسکری ادارہ غاتون پورو رابطہ ٹی ءِ۔ این ڈی ایم اے غٹ تعلقدار ادارہ غاتا کنڈآن برجاکمکی کارروائی تا ہروخت چاروکی ءِ کننگ ءِ۔