وفاقی وزیر محمد حنیف عباسی ءَ وتی ڈل ءِ ہمراہی ءَ قازقستان ءِ ٹرانسپورٹ ءِ وزیر نورلان سورانبایف ءَ گوں گند ءُ نند کتگ، ریلوے ءِ کمک ءَ را گیش کنگ ءُ میان استمانی ایشیا ءَ ریل ءِ رسائی ءِ امکانات ءِ سرا تران

اسلام آباد۔9ستمبر  (اے پی پی):ریلوے ءِ وفاقی وزیر محمد حنیف عباسی ءَ وتی ڈل ءِ گوما قازقستان ءِ ٹرانسپورٹ ءِ وزیر نورلان سوران بایف ءَ گوں گند ءُ نند کتگ، ایشی ءِ تہ ءَ پاکستان ءُ قازقستان ءِ نیام ءَ ریلوے کمک ءِ نوکیں امکانات ءُ ریل ءِ وسیلگ ءَ میاں اوستمانی ایشیا ءَ سر بوھگ ءِ سر ءَ سرجمیں رنگ ءَ گپ ءُ تران کنگ بوتگ۔ گند ءُ نند ءَ جتاجتائیں ریل راہ ءُ دمگی رابطہ ءِ بابت ءَ گپ ءُ تران کنگ بوت۔ ریلوے ءِ وفاقی وزیر ءَ گوشت کہ دمگی کنیکٹوٹی ءَ چہ نا ایوک ءَ پاکستان ریلوے ءَ را بلکینگ ءَ ملکی معیشت ءَ را ھم سیت رسیت۔ قازقستان ءِ نائب مزن وزیر ءِ پاکستان ءِ تر ءُ تاب ءَ را وش اتک کنان ءَ محمد حنیف عباسی ءَ گوشت کہ پاکستان ءُ قازقستان تجارتی راہداری آناں دیمروئی دیگ ءِ واستہ سک باز واھشت مند انت۔ دوئیں ملک آں پاکستانی مصنوعات ءِ میاں اوستمانی مارکیٹ آنی تہ ءَ آسانی ءَ سر بوھگ ءُ تجارتی ءُ اقتصادی سیادی آناں دیمروئی دیگ ءِ سر ءَ زور پر دات۔ وفاقی وزیر برائے ریلوے ءَ گوشت کہ پاکستان ریل ءِ رابطہ ءِ دیمروئی ءَ گوں خطہ ءِ ٹرانزٹ ہب جوڑ بوت کنت۔