پاکستان ءُ قزاقستان ءَ اسٹریٹجک شریکداری ءَ را مھکم کنگ ءِ وعدہ کتگ، ڈل ءِ تک ءَ گپ ءُ تران ءَ چہ پیسر نائب مزن وزیر سینیٹر اسحاق ڈار ءُ آئی ءِ قازقستان ءِ ھمکار مراد نورتولو ءَ گپ ءُ تران کتگ

اسلام آباد۔9ستمبر  (اے پی پی):پاکستان ءُ قازقستان ءَ بازیں پڑ آنی تہ ءَ دو نیمگی سیادی آناں نوکیں بالاد ءَ سر کنگ ءِ مول ءُ مراد ءِ گوما اسٹریٹجک شریکداری ءَ را مھکم کنگ ءِ جزم ءِ درشان کتگ۔ ڈل ءِ تک ءِ گپ ءُ تران ءَ چہ پیسر گپ ءُ تران کنان ءَ نائب مزن وزیر ءُ دری کارانی وزیر سینیٹر محمد اسحاق ڈار ءُ آئی ءِ قازقستان ءِ ہم منصب مراد نورتولو ءَ یکوئی ءَ گوں تجارت، معیشت ءُ ایندگر ھاسیں شوبگ آنی تہ ءَ دو نیمگی سیادی ءَ را گیش مھکم کنگ ءِ وتی عزم ءِ پدا زور دات۔ نائب مزن وزیر سینیٹر محمد اسحاق ڈار ءَ گوشت کہ دوئیں ملک آنی نیام ءَ سیادی ءَ را گیشیں برز ءَ سر کنگ ءِ واستہ مزنیں گنجائش است انت۔ آئی ءَ گوشت کہ پاکستان خطہ ءُ ایشی ءَ چہ در ءَ ھاسیں رنگ ءَ میاں اوستمانی ریاست آنی تہ ءَ امن، مھکمی، دیمروئی ءُ وشھالی ءِ کومون انت ۔ نائب مزن وزیر ءَ قازقستان ءِ گوما مھکمیں شریکداری ءِ واستہ پاکستان ءِ واھشت ءِ سر ءَ زور پر دیان ءَ گوشت کہ دوئیں ملک آنی گیشتریں دمگی ءُ میاں اوستمانی جیڈھ آنی سر ءَ یکجائی ءِ ھیال ءُ لیکہ اَنت۔ آئی ءَ گوشت کہ من اے سال ءِ نومبر ءَ قزاقستان ءِ صدر ءِ پاکستان ءِ تر ءُ تاب ءِ ودار ءَ آں ءُ ڈل ءِ تک ءَ گپ ءُ تران ءِ مستریں مول ءُ مراد آنی تہ ءَ یک تر ءُ تاب ءِ سرجمیں پروگرام ءَ را گڈی رنگ دیگ انت۔ اے موہ ءِ سر ءَ کزاکستان ءِ نائب مزن وزیر ءُ درئی کارانی وزیر مراد نورتولو ءَ گوشت کہ وتی ملک پاکستان ءِ گوما سیادی ءَ را گیش کنگ ءِ واستہ ساڑی اِنت۔ آئی ءَ گوشت کہ مئے شریکداری ءُ معتبریں دوستی ءِ سک باز جہل ءُ مھکمیں رِد ءُ بند اَنت۔ اسلام آباد ءَ سرکاری کارندہ ءُ کاروباری مردم آں گوں گپ ءُ تران ءِ حوالہ ءَ آئی ءَ گوشت کہ دوئیں نیمگ ءَ وت مہ وتی سیادی ءِ دیمروئی ءِ واستہ وت مہ وتی سیت ءِ بازیں ھمگرنچیں جیڈھ آنی سر ءَ ھیال ریچی کنگ بوت۔ کزاقستان ءِ نائب مزن وزیر ءَ اے امیت سہرا کت کہ کزاقستان ءِ صدر ءِ تر ءُ تاب یک نوکیں سنگ میل ءِ رنگ ءَ ثابت بیت ءُ دو نیمگی سیادی ءَ را گیش مھکم کنت۔