سینیٹ ءِ چیئرمین سید یوسف رضا گیلانی ءَ بین پارلیمانی اسپیکر کانفرنس ءِ سیکرٹری جنرل ءَ گوں گند ءُ نند کتگ، دمگی پارلیمانی کمک ءِ دیمروئی ءِ سر ءَ زور پر داتگ

اسلام آباد۔9ستمبر  (اے پی پی):سینیٹ ءِ چیئرمین سید یوسف رضا گیلانی ءَ را بین پارلیمانی اسپیکر کانفرنس ءِ سیکرٹری جنرل ایکناتھ ڈھکل ءَ وتی گس ءَ گوں گند ءُ نند کت۔ گند ءُ نند ءَ نومبر ءَ بوھوکیں انٹر پارلیمانی اسپیکر کانفرنس ءِ ھوالگ ءَ معاملہ ءُ ایشی ءِ ایجنڈا ءِ سر ءَ سرجمی ءَ گپ ءُ تران کنگ بوت۔ سئے شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءَ اے گپ ءِ سر ءَ زور پر دات کہ کانفرنس ءَ را گیش چہ گیش کارآمد ءُ پائدگ جوڑ کنگ بہ بیت تانکہ کانفرنس دمگ ءُ الس ءِ واستہ عملی ءُ جوانیں آسراتی پجاری بہ کنت۔ آئی ءَ گوشت کہ اے وھد ءَ دمگ ءَ را بازیں سنگینیں چیلنج آنی دیم ءَ انت، ایشی ءِ تہ ءَ چاگردی بحران، گریبی ءِ کمی ءُ پائیدار دیمروئی ھوار انت ءُ دمگی پارلیمنٹ آنی نیام ءَ بامردیں کمک ءُ یکجائی حکمت عملی اے جیڈھ آناں گیواری ءِ واستہ وھد ءِ ضلورت انت۔ سید یوسف رضا گیلانی ءَ اے گپ ءِ پدر کنگ ءَ گوشت کہ نومبر ءَ برجم دارگ بوھوکیں کانفرنس ءِ مول ءُ مراد پارلیمانی ادارگ آنی نیام ءَ کثیر جہتی کمک ءَ را گیش کنگ اِنت تانکہ گپ ءُ تران ءَ را دیم ءَ برگ بہ بیت، سرجمیں پالیسی سازی ءَ را ممکن جوڑ کنگ بہ بیت ءُ یکجائی کوشست آنی وسیلگ ءَ یکجائی چیلنج آناں دیم پہ دیم کنگ بہ بیت۔ اے موہ ءِ سر ءَ بین الاقوامی اسپیکر کانفرنس ءِ سیکرٹری جنرل ایکناتھ ڈھکل ءَ ایوان بالا ءِ گوما نزیکیں رابطہ ءُ کمک برجاہ دارگ ءِ جزم ءِ درشان کت۔ نومبر ءِ کانفرنس ءَ را سوبین کنگ ءِ واستہ پاکستان ءِ گوما کمک سک باز المی بیت۔ گند ءُ نند ءِ ساھت ءَ اے گپ یک رندے پدا زور دیگ بوت کہ دمگ ءِ پارلیمانی سروک یکجائی ءَ دیمروئی، پائیداریں آیوکیں وھد ءُ راجی وشھالی ءِ واستہ یکجائی ءَ دیم ءَ جنز اَنت۔