چیئرمین واپڈا ءَ ڈیم بھاشا ڈیم ءِ تر ءُ تاب کتگ، آر سی سی ءِ ڈیم ءِ منصوبہ ءِ جوڑیشت ءِ ھاتر ءَ آیوکیں سال ءَ بندات کنگ ءِ کار، انتظامیہ ءِ نیمگ ءَ چہ تفصیلی بریفنگ

لاہور۔9ستمبر  (اے پی پی): چیئرمین واپڈا ڈیم بھاشا ڈیم ءِ جاہ ءِ تر ءُ تاب ءَ کنت، آر سی سی ڈیم منصوبگ ءِ جوڑیشت ءِ واستہ آیوکیں سال ءَ بندات کنگ ءِ کار ءَ کنت۔ اے موہ ءِ سر ءَ مینجمنٹ ءِ نیمگ ءَ چیئرمین واپڈا ءَ را سرجمیں بریفنگ دیگ بوت۔ ترجمان ءِ رد ءَ واپڈا ءِ چیئرمین لیفٹیننٹ جنرل محمد سعید ءَ سئے شمبے ءِ روچ ءَ دریائے سندھ ءِ سر ءَ چیلاس شہر ءِ 40کلومیٹر ءِ جہل ءَ جاہ منندیں زیر تعمیراتی ڈیامر بھاشا ڈیم منصوبگ ءِ تر ءُ تاب کتگ ءُ جوڑیشت ءِ پیشرفت ءِ چار ءُ تپاسی کتگ۔ فرنٹیئر ورکس آرگنائزیشن ایف ڈبلیو او ءِ ڈائریکٹر جنرل میجر جنرل عبدالسمیع ہم آئی ءِ ہمراہی ءَ بوتگ۔ اے موہ ءِ سر ءَ چیف ایگزیکٹو آفیسر دیمر بھاشا ڈیم کمپنی ، جنرل منیجر دیمر بھاشا ڈیم پروجیکٹ ءُ چیف ایگزیکٹو آفیسر دیمر بھاشا ڈیم کنسلٹنٹس گروپ ءِ ھوار کنسلٹنٹس ءُ ٹھیکیدار آنی پروجیکٹ مینیجرز ھم ھوار بوتگ اَنت۔ چیئرمین واپڈا ءَ ڈیم ءِ کرشنگ پلانٹ، ڈائیورژن ٹنل، پشتہ ءُ بُن ھشت ءِ سر ءَ برجاھیں جوڑیشت ءِ کار آنی سر ءَ چار ءُ تپاسی کتگ ءُ ایشی ءِ تہ ءَ بُرز ءُ چیریں نیمگ ءَ جوڑ بوتگیں عارضی ڈیم، فلشنگ ٹنل، آر سی سی ٹرائل سیکشن ءُ کرشنگ ٹنل ءِ سر ءَ چار ءُ تپاسی کتگ۔ ڈائمر بھاشا ڈیم ءِ انتظامی ءَ آئی ءَ را منصوبگ ءِ کلیدی جاھاں سر بوتگیں ٹارگٹ آنی بابت ءَ سرپد کت۔ چیئرمین واپڈا ءَ را گوشگ بوت کہ منصوبگ ءِ 13 ورک فرنٹ آنی سر ءَ جوڑیشت ءِ کار برجاہ انت۔ وھدے کہ منصوبگ ءِ واستہ دریائے سندھ ءِ سر ءَ جوڑ کتگیں ڈائیورژن سسٹم انوگیں ہائی فلو ءِ موسم ءَ وشیں رنگ ءَ کار کنگ ءَ اِنت۔ رولر کمپیکٹڈ کنکریٹ آر سی سی ءِ آزمائش، پشتہ ءِ کشگ ءُ مین ڈیم ءِ بُن ھشت ءِ کار اے سال ءِ دسمبر ءَ تاں سرجم کنگ بیت۔ اے موہ ءِ سر ءَ چیئرمین واپڈا ءَ تران کنان ءَ ٹھیکیدار آناں زور پر دات کہ آ شیڈول ءِ رد ءَ منصوبگ ءِ سرجمی ءِ واستہ جاھاں گیشیں وسیلگ آنی دستیابی ءَ را دل یکیمی بہ کن اَنت ءُ جوڑیشت ءِ کار آنی رفتار ءَ را تیز بہ کن اَنت۔ آئی ءَ اے گپ ءِ سر ءَ زور پر دات کہ واپڈا پروجیکٹ ٹیم ءُ کنسلٹنٹ پروجیکٹ ءِ جوڑیشت ءِ تہ ءَ دیم ءَ آؤکیں جیڈھ آناں گر ءُ دار ءِ واستہ جوانیں بندوبست بہ کن اَنت۔ وتی تر ءُ تاب ءِ ساھت ءَ چیئرمین واپڈا ءَ منصوبگ ءِ دمگ ءَ سیکورٹی بندوبست آنی سر ءَ ھم سرجمیں رنگ ءَ چار ءُ تپاسی کت۔ چیئرمین واپڈا ءَ کیڈٹ کالج چلاس ءِ ھم تر ءُ تاب کتگ۔ کیڈٹ کالج ءِ جوڑیشت ءِ واستہ واپڈا ءَ 2ارب ءُ یک ارب کلدار کمک داتگ ۔ اعتماد سازی ءِ گامگیج آنی بھر ءِ رد ءَ چیلاس کیڈٹ کالج ءِ جوڑیشت ءِ مول ءُ مراد گلگت بلتستان ءِ نودربر آناں ھاسیں رنگ ءَ منصوبگ ءِ دمگ ءَ را نوکیں وانگ ءُ زانگ ءِ آسراتی ءِ پھجارینگ اِنت۔ واپڈا ءَ ڈیم ءَ چہ آماچیں مردم آنی اقتصادی ءُ چاگردی دیمروئی ءُ منصوبگ ءِ دمگ ءَ آماچیں مردم آنی بحالی ءِ واستہ 78.5ارب کلدار ھرچ کتگ ایشی ءِ تہ ءَ وانگ ءُ زانگ، جان سلامتی ءُ بنیاتی ڈھانچہ ءِ جوڑیشت ھوار اِنت۔ دیامر بھاشا ڈیم ءِ جوڑ کنگ ءِ وھد ءَ پیداکیں روزگار ءِ تہ ءَ ھم دمگی مردماں اولیت دیگ بوھگ ءَ اِنت۔ جوڑیشت ءِ تہ ءَ ڈائیمر بھاشا ڈیم ءِ بُرزی 272میٹر اِنت ءُ اے دگنیا ءِ مستریں آر سی سی ڈیم اِنت۔ ڈائیمر بھاشا ڈیم ءِ کلیں آپ ءِ ذخیرہ کنگ ءِ گنجائش 8.1 ملین ایکڑ فٹ انت۔ ذخیرہ کتگیں آپ ءِ سبب ءَ 1.23 ملین ایکڑ ءِ گیشیں زمین ءَ آپ دیگ بیت۔ ڈائیمر بھاشا ڈیم ءِ بجلی ءِ پیداوار ءِ گنجائش 4500میگاواٹ اِنت ایشی ءَ چہ راجی گرڈ ءَ را ہر سال 18ارب یونٹ ماحول دوست ءُ کم ھرچ ءُ درچ ءِ ہائیڈرو الیکٹرک بجلی پجاری بیت۔