اسٹیٹ بینک آف پاکستان ءَ کاروباری رھبند ءُ صارفین ءِ گوما ساپ  ءُ سلہ ایں  سلوک ءِ واستہ ریگولیٹری فریم ورک ءِ مسودہ ءِ سر ءَ الس ءِ ھیال ءُ لیکہ لوٹ اِتگ

اسلام آباد۔9ستمبر  (اے پی پی):اسٹیٹ بینک آف پاکستان ءَ کاروباری رھبند ءُ صارف آنی گوما منصفانہ سلوک ءِ واستہ ریگولیٹری فریم ورک ءِ مسودہ ءِ سر ءَ الس ءِ ھیال ءُ لیکہ لوٹ اتگ۔ سئے شمبے ءِ روچ ءَ اسٹیٹ بینک آف پاکستان ءِ جارکش ءَ وتی بیان ءِ تہ ءَ گوشت کہ اسٹیٹ بینک آف پاکستان ءَ صارف آناں گیش رکھینگ ءُ آھانی گوما منصفانہ سلوک ءَ را دل یکیمی کنگ ءِ واستہ وتی کوشست آنی تہ ءَ کاروباری رھبند ءِ واستہ ریگولیٹری فریم ورک ءِ مسودہ ءِ سر ءَ الس ءِ ھیال ءُ لیکہ لوٹ اتگ۔ مسودہ ءِ سرھال ”کاروباری رھبند ءُ صارفین ءِ منصفانہ سلوک ءِ ھاتر ءَ ریگولیٹری فریم ورک“ اِنت۔ مسودہ ءِ فریم ورک ءِ تہ ءَ مالیاتی شوبگ ءَ ذمہ وار کاروباری رھبند، احتساب ءُ شفافیت ءِ دیمروئی ءِ مول ءُ مراد ءِ رد ءَ پیش کرتگیں اصول ءُ رھبند آنی سر ءَ بنیات ءِ سر ءَ بنیات ءِ سر ءَ رہبند ھوار اَنت۔ اے فریم ورک ءِ جوڑ کنگ ءِ مول ءُ مراد ایش انت کہ پاکستان ءَ کار کنوکیں مالیاتی ادارگ وتی درستیں رابطہ کاری ءَ صارفین ءَ گوں احترام، انصاف ءُ شفافیت ءِ گوما سلوک بہ کن انت۔ اسٹیٹ بینک ءِ گمان اِنت کہ پبلک کنسلٹیشن ریگولیٹری عمل ءِ یک ھاسیں بہرے ءُ اے رنگ ءَ صارفین ءِ رائے ءَ را گڈی فریم ورک ءِ جوڑ کنگ ءَ ہوار کنگ بوت کنت۔ مسودہ فریم ورک ءِ سرا لس مردمانی ھیال ءُ لیکہ ءِ ھاتر ءَ اسٹیٹ بینک ءِ ویب سائٹ ءِ سر ءَ ایر کنگ بوتگ۔ لس مھلوک وتی ھیال ءُ لیکہاں اسٹیٹ بینک ءِ ویب سائٹ https://www.sbp.org.pk/BS/index.asp ءِ سر ءَ دستیابیں فارم ءَ پُر کنان ءَ ءُ 30ستمبر 2025 ءَ تاں [email protected] ءَ ای میل ءِ وسیلگ ءَ دیم دات کن اَنت۔