وزیر دفاع خواجہ محمد آصف ءَ ترکی ءِ وزیر دفاع یاسر گولر ءَ گوں گند ءُ نند کتگ، دفاعی کمک ءِ بابت ءَ گپ ءُ تران بوتگ

اسلام آباد۔9ستمبر  (اے پی پی):ترکی ءُ پاکستان ءِ دفاع ءِ وزیر آں دوئیں ملک آنی نیام ءَ دفاعی صنعتی کمک، یکجائی تربیت ءُ باقاعدہ یکجائی فوجی مشک آنی سر ءَ زور پر داتگ۔ سئے شمبے ءِ روچ ءَ وزارت دفاع ءِ نیمگ ءَ جاڑی بوتگیں بیان ءِ رد ءَ ترکی ءِ وزیر دفاع یاسر گلر ءَ وزیر دفاع خواجہ محمد آصف ءَ گوں گند ءُنند کتگ۔ دوئیں نیمگاں پاکستان ءُ ترکی ءِ نیام ءَ مھکمیں دو نیمگی دفاعی سیادی ءِ پدا پدر کنگ ءَ پد دوئیں ملکاں اے سیادی ءَ را ”دو ملک یک راجے“ ءُ ”دل ءَ چہ دل“ لیک اِتگ۔ گند ءُ نند ءِ ساھت ءَ وت مہ وتی دلچسپی ءِ جیڈھ ھاسیں رنگ ءَ دفاعی کمک ءِ سر ءَ ھیال ریچی کنگ بوت ءُ دفاعی صنعتی کمک، یکجائی تربیت ءُ باقاعدہ یکجائی فوجی مشک آنی سر ءَ زور پر دیگ بوت۔ ترکی ءِ وزیر دفاع یاسر گلر ءَ پاکستان ءِ سلاہ بندیں اُرد آنی پیشہ وارانہ لیکہ ءُ دمگی امن ءُ ایمنی ءِ برجائی ءِ تہ ءَ آھانی کرد ءِ توسیپ کت۔ وزیر دفاع خواجہ محمد آصف ءَ پاکستان ءِ واستہ ترکی ءِ برجاھیں کمک ءُ ایمنی، انسداد ناشرکاری ءُ دمگی کمک ءَ ہوار شوبگ آنی تہ ءَ برجاھیں کمک ءِ سر ءَ دل یکیمی ءِ درشان کت۔