صدر آصف علی زرداری ءَ سیلاب ءِ آفت ءَ پد کشت ءُ کشاری ءِ رکھینگ ءُ وردن ءِ اناج ءِ بے مٹیں دستیابی ءَ را دل یکیمی کنگ ءِ ہدایت کتگ

اسلام آباد۔9ستمبر  (اے پی پی):صدر آصف علی زرداری ءَ سیلاب ءِ آفت ءَ پد کشت ءُ کشاری ءِ رکھینگ ءُ وردن ءِ اناج آنی بے رکاوٹ دستیابی ءَ را دل یکیمی کنگ ءِ ہدایت کتگ۔ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ سئے شمبے ءِ روچ ءَ صدر آصف علی زرداری ءَ گوں گند ءُ نند کت۔ صدر آصف علی زرداری ءَ گوشت کہ سیلاب ءِ آفت ءَ پد کشت ءُ کشاری ءِ رکھینگ ءُ وردن ءِ اناج آنی بے رکاوٹ دستیابی ءَ را دل یکیمی کنگ بہ بیت، ملک ءَ فوڈ سیکیورٹی ءِ واستہ ہنگامی گامگیج چست کنگ بہ بنت، نوکیں ءُ موسمی بدلی ءِ مزاحمیں کشت ءُ کشاری ءِ رھبند آنی دیمروئی ءِ سر ءَ زور دیگ بہ بیت۔ زرعی پیداوار ءُ خوراک ءِ امنیت ءِ سرا کار کنگ ءَ انت۔ گند ءُ نند ءَ پیسریگیں وفاقی وزیر ءُ سینیٹ ءَ پیپلز پارٹی ءِ پارلیمانی رہشون سینیٹر شیری رحمان ءَ ہم بہر زرتگ ات۔