مینو فیکچرنگ قومی زرگزران اٹی تمبہ  ، اینو نا دنیا ٹی مسابقت ڈیجیٹل ٹیکنالوجی تون گنڈوک ءِ، رانا تنویرحسین

اسلام آباد۔ 09 ستمبر (اے پی پی) بنجائی وزیر فوڈ سیکورٹی اینڈ ریسرچ رانا تنویرحسین پارینے کہ مینو فیکچرنگ قومی زرگزران اٹی مخ انا ملی ءِ، اینو نا دنیاٹی مسابقت ڈیجیٹل ٹیکنالوجی تون گنڈوک ءِ، پاکستان ءِ جہانی سپلائی چین اٹی رہینگ انگ کن دمدستی وڑاٹ جدت ءِ تیناکروئی مریک۔ داخیال آتا درشانی ءِ او سے شنبے نادے آ اسلام آباد اٹی ’’ری ڈیفائننگ ڈیجیٹل مینو فیکچرنگ‘‘انٹرنیشنل سمٹ آن بطور مہمان خاص تران کرساکرے۔ دود ءِ اوکٹوٹیکنالوجی سولیوشنز نا کنڈآن اڈتننگا۔ رانا تنویرحسین پارے کہ حکومت صنعتی جدید کاری وڈیجیٹل ٹرانسفارمیشن ءِ زرگزرانی حکمت عملی نا تمبہ گوندانے، پاکستان ڈیجیٹل اتھارٹی قومی ماسٹرپلان و انڈسٹری 4.0 نا مون آ دننگ آ کاریم کننگ ءِ ۔ اوپارے کہ نیشنل ایروسپیس سائنس اینڈ ٹیکنالوجی پارک پاکستان ءِ پوسکن آ پٹ وپول نا مرکز کننگ ءِ، ڈیجیٹل پاکستان انیشی ایٹیو ورناتیکن روزگار نا پوسکن ءُ وارخواہی ودی کننگ ءِ۔ اوپارے کہ اوکٹو ٹیکنالوجی سولیوشنز ہندی کہول آ ڈیجیٹل مینو فیکچرنگ اٹی قائدانہ کڑد ادا کننگ ءِ، اوتھری ڈی سکیننگ و ڈیجیٹل پروٹوٹائپنگ نا کمک اٹ صنعت اٹی خلاپُرکرے۔ بنجائی وزیرپارے کہ پاکستان نا آخبت ٹیکنالوجی، جدت و مسابقت ءِ تینا کننگ تون وابستہ ءِ، نن ٹیکنالوجی ءِ بایدے گوجالپن۔