اسلام آباد۔8ستمبر (اے پی پی): ایوان ءِ صدر ءَ برجم داشتگیں مزنیں مراگش ءِ تہ ءَ صدر آصف علی زرداری ءَ متحدہ عرب امارات ءِ بحریہ افواج ءِ کمانڈر میجر جنرل حمد محمد عبداللہ الرمیثی ءَ را نشان امتاز ءِ داد دات۔ آئی ءَ را اے داد پاکستان ءُ متحدہ عرب امارات ءِ نیام ءَ دو نیمگی سیادی ءَ را دیمروئی دیگ ءِ واستہ آئی ءِ کوشست آنی ستا ءَ …
صدر آصف علی زرداری ءَ متحدہ عرب امارات ءِ بحریہ ءِ کمانڈر میجر جنرل حمد محمد عبداللہ الرمیثی ءَ را نشان امتاز (فوجی) داد دات
گیشتریں ھال
اسلام آباد۔8ستمبر (اے پی پی): ایوان ءِ صدر ءَ برجم داشتگیں مزنیں مراگش ءِ تہ ءَ صدر آصف علی زرداری ءَ متحدہ عرب امارات ءِ بحریہ افواج ءِ کمانڈر میجر جنرل حمد محمد عبداللہ الرمیثی ءَ را نشان امتاز ءِ داد دات۔ آئی ءَ را اے داد پاکستان ءُ متحدہ عرب امارات ءِ نیام ءَ دو نیمگی سیادی ءَ را دیمروئی دیگ ءِ واستہ آئی ءِ کوشست آنی ستا ءَ دیگ بیت۔ ادا برجم داشتگیں ھاسیں مراگش ءَ وزیر دفاع خواجہ محمد آصف، چیف آف نیول اسٹاف ایڈمرل نوید اشرف، دوئیں ملک آنی بحریہ ءِ سفارتکار ءُ مزنیں افسر آنی ھوار ایندگر مزنیں فوجی ءُ سرکاری کارندہ آں بھر زوری کت۔ آئی ءَ را اے داد پاکستان ءُ متحدہ عرب امارات ءِ نیام ءَ سمندری کمک ءَ را گیش کنگ ءِ واستہ آئی ءِ بے مٹیں کوشست آنی ستا ءَ دیگ بیت۔ متحدہ عرب امارات ءِ بحریہ ءِ کمانڈر میجر جنرل حمد عبداللہ پاکستان بحریہ اکیڈمی ءَ چہ گریجویٹ انت۔ امارات ءِ بحریہ ءِ کمانڈر پاکستان ءِ سک باز نزیکیں سنگت انت ءُ آئی ءَ دوئیں ملک آنی بحریہ ءِ دوستی ءِ سیادی ءَ را مھکم کنگ ءُ وت مہ وتی کمک ءَ را گیش کنگ ءَ مزنیں کردے پیلو کتگ۔ صدر ءِ مملکت ءَ آئی ءِ ازمت آنی پجار ءُ دوئیں براتیں ملک آنی نیام ءَ دوستی ءُ دوستی ءِ کمک ءَ را مھکم کنگ ءِ تہ ءَ آئی ءَ را نِشان امتیاز داد داتگ۔ اے داد ءِ وسیلگ ءَ دوئیں ملک آنی نیام ءَ دفاعی کمک ءِ رد ءَ ھاسیں رنگ ءَ میری ٹائم سیکٹر ءِ رد ءَ دیریں ءُ مھکمیں فوجی سیادی ءِ درشان کنگ بیت۔
