اوورسیز پاکستانیک ملک انا نہادی میرات ءُ، اوفتے غٹ ممکن آسراتی تافراوانی حکومت نا اولیت آتیٹی اوار ءِ، وزیراعظم محمد شہباز شریف

اسلام آباد۔ 08 ستمبر (اے پی پی) وزیراعظم محمد شہباز شریف پارینے کہ پیشن نا ملک رہینگوک آ پاکستانی تے غٹ ممکن آسراتی تا فراوانی حکومت نا اولیت آتیٹی اوار ءِ، اوورسیز پاکستانیک ملک انا نہادی میرات ءُ۔ داخیال آتا درشانی ءِ او اوورسیز پاکستانیز فاؤنڈیشن (اوپی ایف) نا چیئرمین قمر رضاو منیجنگ ڈائریکٹر افضال بھٹی تون گپ وتران کرساکرےہرافک دوشنبے نادے آ داڑے اوڑتون اوڑدہی کریر۔ پی ایم آفس نا میڈیا ونگ آن جاری بیان نا رداٹ اوڑدہی ٹی معرکہ ءِ حق اٹی پاکستان نا سرسہبی نا بابت چندی ملک آتیٹی اڈ ہلوک دود آتا بارواٹی وزیراعظم ءِ حوال تننگا۔ اوپی ایف نا ایم ڈی و چیئرمین وزیراعظم ءِ پیشن نا ملک رہینگوک پاکستانی تا ویل و اوفتے ایسر کننگ کن حکومتی گام گیج آتیان معلومدار کریر۔ وزیراعظم پارے کہ پیشن نا ملک رہینگوک پاکستانیک ننا ملک انا نہادی میرات ءُ، جہانی مارکیٹ اٹی پیشن نا ملک رہینگوک پاکستانی افرادی قوت اہم خذمت سرتننگ ءُ۔ اوپارے کہ پیشن نا ملک رہینگوک پاکستانی تے ہرممکن آسراتی فراوان کننگ ننا اولیت آتیٹی اوار ءِ۔