وزیراعظم شہباز شریف نا اسٹاک ایکسچینج ہنڈ رڈ انڈیکس 1 لکھ 56 ہزار پوائنٹ آتا کچ ءِ عبور کننگ آ است جمی نا درشان

اسلام آباد۔ 08 ستمبر (اے پی پی) وزیراعظم محمد شہباز شریف سٹاک ایکسچینج ہنڈرڈ انڈیکس 1 لکھ 56 ہزار پوائنٹ آتا کچ ءِ عبور کننگ آ است جمی نا درشانی ءِ کرساپارینے کہ پاکستان اسٹاک ایکسچینج نا تاریخی کچ ءِ عبور کننگ، کاروباری برادری و زرکارآتا حکومت نا پالیسی تیا پت انا درشانی ءِ۔ دوشنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم پارے کہ اللہ نا فضل وکرم اٹ ملکی شونداری نا سفر زرگزرانی ٹیم انا خواری نا سوب آن جاری و ساری ءِ، زوت آتے اٹ چین نا نجی بشخ اتون پاکستان نا نجی کمپنی تا ارب آ ڈالر نا معاہدہ و مفاہمتی یات داشت آتیا دستخط مس۔ وزیراعظم پارے کہ ملک اٹی زرکاری ٹی ودکی آن صنعت لگک، برآمد آتیٹی ودکی مریک و روزگار نا پین وارخواہی ودی مریک۔ اوپارے کہ ملکی زرگزرانی سمت انا گچینی و شونداری نا سفر آ ہِننگ کن زرگزرانی ٹیم انا کوشست ستاکڑزک۔