اسلام آباد۔7ستمبر (اے پی پی): صدر آصف علی زرداری ءَ سندھ ءَ گمان بوتگیں ھئور ءِ رد ءَ درستیں سیادی داروکیں ادارگ آناں ھوشیار بوھگ ءِ پنت ءُ شون کتگ ءُ گوشت کہ صوبائی، ضلعی ءُ بنجاہی حکومت ءِ ادارگ سیلاب ءِ ممکنہ جاور ھال ءَ گوں گر ءُ چیل بوھگ ءِ واستہ ھوشیار بہ بنت، الس ءَ را سرکاری احتیاطی گامگیج آنی سر ءَ عمل کنگ لوٹ ایت۔ صدر …
صدر آصف علی زرداری ءَ سندھ ءَ گمان بوتگیں گرندیں ھئور ءِ رد ءَ توامیں ادارگ آناں ھوشیار بوھگ ءِ پنت ءُ شون کتگ
گیشتریں ھال
اسلام آباد۔7ستمبر (اے پی پی): صدر آصف علی زرداری ءَ سندھ ءَ گمان بوتگیں ھئور ءِ رد ءَ درستیں سیادی داروکیں ادارگ آناں ھوشیار بوھگ ءِ پنت ءُ شون کتگ ءُ گوشت کہ صوبائی، ضلعی ءُ بنجاہی حکومت ءِ ادارگ سیلاب ءِ ممکنہ جاور ھال ءَ گوں گر ءُ چیل بوھگ ءِ واستہ ھوشیار بہ بنت، الس ءَ را سرکاری احتیاطی گامگیج آنی سر ءَ عمل کنگ لوٹ ایت۔ صدر ءِ مملکت ءِ کارگس ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر ءِ مملکت ءَ گوشت کہ شہری دمگ آنی تہ ءَ ھاسیں رنگ ءَ نیشیرو ءُ کوہ ءِ دمگ آنی تہ ءَ سیلاب ءِ بندوبست کنگ بہ بیت ءُ حب ڈیم ءُ ایندگر آپی ادارگ آنی تہ ءَ آپ ءِ کچ ءِ سر ءَ مدام نگرانی کنگ بہ بیت۔ صدر ءِ مملکت ءَ گوشت کہ الس ءَ را احتیاطی گامگیج زورگ ءُ حکومتی پنت ءُ شون آنی پد ءُ رند کنگ بہ بیت۔ صدر آصف علی زرداری ءَ پنت ءُ شون کت کہ مردم آناں ایمنیں جاہ آنی تہ ءَ شنگ کنگ ءِ بندوبست کنگ بہ بیت، ءُ ضلع ءُ تحصیل ءِ تک ءَ ریلیف مشنری ءُ کارندہ ہر وھد ءَ تیار بہ بنت۔ صدر ءِ مملکت ءَ گوشت کہ وزارت جان سلامتی ءُ بنجاھی انتظامی ءَ الس آگاہی ءِ مہم ءِ تہ ءَ فعالیں کرد ءِ پیلو کنگ لوٹ ایت۔
