مزن وزیر شہباز شریف ءَ پٹرولیم ءِ چیزانی بے رکاوٹیں سپلائی ءَ را دل یکیمی کنگ ءِ واستہ ھاسیں نگرانی ءِ پنت ءُ شون کتگ

لاہور ۔7ستمبر  (اے پی پی): مزن وزیر محمد شہباز شریف ءَ ملک ءِ جتا جتائیں دمگ آنی تہ ءَ استیں جاور ھال آنی رد ءَ پٹرولیم ءِ چیز آنی بے رکاوٹیں سپلائی ءَ را دل یکیمی کنگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پٹرولیم ءِ وفاقی وزیر علی پرویز ملک ءَ مزن وزیر محمد شہباز شریف ءَ گوں گند ءُ نند کت۔ گند ءُ نند ءَ ملک ءِ سیاسی جاور ءُ تنظیمی معاملہانی سرا گپ ءُ تران کنئگ بوتگ ۔ گند ءُ نند ءَ ملک ءَ انرجی ءِ جاور ھال ءِ سر ءَ سرجمی ءَ گپ ءُ تران کنگ بوت۔ وفاقی وزیر ءَ مزن وزیر شہباز شریف ءَ را توان ءِ شوبگ ءَ برجاہیں منصوبگ ءُ اصلاحات آنی بابت ءَ سرپد کت۔ مزن وزیر ءَ ملک ءِ جتا جتائیں دمگ آنی تہ ءَ استیں جاور ھال آنی رد ءَ پٹرولیم ءِ چیز آنی بے مٹیں سپلائی ءَ را دل یکیمی کنگ ءِ پنت ءُ شون کت۔ دیوان ءَ پارٹی ءِ معاملہ ءُ آیوکیں وھد ءِ حکمت عملی ءِ سرا ہم گپ ءُ تران بوتگ۔