مزن وزیر محمد شہباز شریف ءَ جلال پور ءِ نزیک ءَ بوجیگ ءِ حادثہ ءَ جانی بیرانی ءِ سرا غم ءِ درشانی

اسلام آباد۔ ستمبر (اے پی پی) مزن وزیر محمد شہباز شریف ءَ جلال پور ءِ نزیک ءَ بوجیگ ءِ وئیل ءَ جانی بیرانی ءِ سر ءَ دلپدردی درشان کنان ءَ پنت ءُ شون کتگ کہ آماچیں دمگ آنی تہ ءَ ریسکیو ءُ ریلیف ءِ کار آنی ھوالگ ءَ صوبائی حکومت آنی گوما رابطہ ءُ کمک ءَ را گیش ھمگرنچ ءُ موثر جوڑ کنگ بہ بیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ جلال پور ءِ نزیک ءَ ریسکیو بوٹ ءِ حادثہ ءَ انسانی جان ءِ بیرانی ءِ سر ءَ دلپدردی درشان کتگ ءُ حادثہ ءَ بیران بوتگیں پنچ مردم آنی کھول ءِ گوما ھمدردی ءِ درشانی کتگ۔ مزن وزیر ءَ بیران بوتگیں مردمانی بالادستیں رند ءُ کھول ءِ واستہ صبر ءُ اوپار ءِ دعا کتگ۔ اے موہ ءِ سر ءَ مزن وزیر محمد شہباز شریف ءَ پنت ءُ شون کت کہ آماچیں دمگ آنی تہ ءَ ریسکیو ءُ ریفنڈ آپریشن گیش ترند ءُ جوانیں رنگ ءَ کنگ بہ بنت ءُ آوار جتگیں مردم آناں وھد ءِ سر ءَ ءُ سرجمیں کمک ءَ را دل یکیمی کنگ بہ بیت۔ ریسکیو ءُ ریلیف ءِ کارانی ھوالگ ءَ صوبائی حکومت آنی گوما ھمگرنچی ءُ کمک گیش ھمگرنچ ءُ موثر جوڑ کنگ بہ بنت۔ مزن وزیر ءَ گوشت کہ پاکستان ءَ را مُدام موسمی مٹ ءُ بدلی ءِ ضروری آسر آنی دیمپانی کنگ ءَ انت۔ چاگردی رد ءَ تاوان باریں گیس آنی درآمد کنگ ءِ تہ ءَ پاکستان ءِ بھر ءُ بانگ کم اِنت وھدے کہ پاکستان موسمی بدلی ءَ چہ گیشتر آماچیں ملک آنی لڑ ءَ ھوار اِنت۔ مزن وزیر ءَ گوشت کہ رسک ءَ چہ آماچیں دمگ آنی تہ ءَ موسمی مٹ ءُ بدلی ءِ نا شریں اثر آنی ھلاپ ءَ رکھینگ ءِ واستہ صوبگ آنی گوما کمک ءَ موثر حکمت عملی جوڑ کنگ بوھگ ءَ انت۔ انفارمیشن سسٹم، مھکم ءُ پائیداریں بنیاتی ڈھانچہ ءُ ریسکیو ءُ ریلیف سسٹم ءَ را گیش ھمگرنچ ءُ کارآمد جوڑ کنگ ءِ ھاترا گامگیج زورگ بوھگ ءَ اِنت۔