مزن وزیر شہباز شریف ءَ گشتگ کہ حکومت وانندگی ءِ شرح ءَ را گیش کنگ ءِ ھاتر ءَ ہر وڑیں گامگیج چست کنت

اسلام آباد۔8ستمبر  (اے پی پی): مزن وزیر محمد شہباز شریف ءَ گشتگ کہ حکومت وانندگی ءِ شرح ءَ را گیش کنگ ءِ ھاتر ءَ ہر وڑیں گامگیج چست کنت، ءُ وفاقی ءُ صوبائی حکومت یکجائی ءَ راجی مہم ءِ سرا کار کنت۔ مزن وزیر ءَ 8ستمبر ءَ میاں اوستمانی وانندگی ءِ روچ ءَ وتی کلوہ ءِ تہ ءَ گوشت کہ میاں اوستمانی وانندگی ءِ روچ ءَ پاکستان وتی فرض لیک ایت کہ آ دگنیا ءِ گوما یکوئی ءَ اوشتات کنت ءُ راج آنی وانگ ءُ زانگ ءِ تہ ءَ زانت ءُ زانشت ءِ ارزشت، آوانی اقتصادی ءُ چاگردی زندمان ءِ تہ ءَ دیمروئی ءُ وشھالی ءِ گڈی بنیات ءَ را پدر کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ وانگ ءُ زانگ ایوک ءَ نبشتہ ءُ وانگ ءِ توانائی، یا الف بے ءِ زانت ءِ ھوالگ ءَ نہ اِنت بلکیں اے انفرادی ءُ اجتماعی تک ءَ کجام ھم راج ءِ بنیات آناں مھکم کنگ ءَ چہ یک وشیں آیوکیں وھد ءِ نیمگ ءَ سفر اِنت۔ اے وانگ ءُ زانگ، وانندگی ءُ زانت ءُ وانگ ءِ سفر ھرچ راج ءِ نسلانی شر کنگ ءِ یک مدامیں جھدے، پمیشکا ھرچ ملک ءِ سرجمیں ءُ بامردیں دیمروئی ءِ ھاترا اے سرکار ءِ اولی اولویت بہ بیت۔ آئی ءَ گوشت کہ پاکستان ءَ وانندگی ءِ کچ 60 درسد انت، اے نا ایوک ءَ ملک ءِ نوکیں لوٹ آنی چہ کم انت بلکینگ ءَ رودراتکی دمگ ءِ ایندگہ ملک آناں چہ ھم کم انت۔ اے جیڑگ ءِ جاور مارا یات دنت کہ ما یک نوکیں راجے ءِ بستار ءَ وتی اولویتانی تہا وانگ ءُ زانگ ءِ رندگیری ءَ ہوار کنگ ءَ ھرچ وڑیں گامگیج زورگ لوٹیں دانکہ ما وتی زھگ، ورنا ءُ چاگرد ءِ یکجاھیں دیمروئی ءِ راہ ءَ پچ بہ کنیں۔ مزن وزیر ءَ گوشت کہ وانگ ءُ زانگ ءِ گرگ ءِ ارزشت اسلام ءِ بنکی تعلیمات آنی تہ ءَ ھوار اِنت ءُ پاکستان ءِ بن ھشت ایر کنوک محمد علی جناح ءَ ھم ایشی ءِ ارزشت ءِ سر ءَ زور پر دات۔ وفاقی ءُ صوبائی حکومت پہ تعلیم ءُ وانینگ ءِ دیمروئی ءُ سواد ءِ شرح ءَ را گیش کنگ ءَ یکجاہ انت۔ اے راجی مہم ءِ مول ءُ مراد ہمیش انت کہ ہر زہگ ایوک ءَ بنیاتی وانگ ءُ زانگ ءِ دربرگ ءَ نہ انت بلکیں بُرزتریں وانگ ءُ زانگ، ہنر ءُ زانت ءَ چہ ہم آشنا بہ بیت۔ اے یکیں راہ اِنت کہ ما وتی آیوکیں نسلاں نوکیں دور ءِ لوٹاں گوں ہمگرنچ بہ کنیں۔ بلے ہچ سرکار مہلوک ءِ کمک ءَ ابید اے راجی مکسد ءَ سرجم کُت نہ کنت۔ پہ ایشی ءَ استاد، مات ءُ پت ءُ چاگردی پڑ ءَ ھر شہری ءَ وتی فرض ءُ ھاسیں کرد پیلو کنگی اِنت۔ مزن وزیر ءَ گوشت کہ مارا درستاں وتی اے جزم ءِ دوبر پدر کنگی اِنت کہ ما یک راجے ءِ بستار ءَ ناخواندگی ءِ تہاری ءَ را زانت ءِ رژنائی ءَ گوں رژنائی ءَ دئیں ءُ یک مھکمیں، باصلاحیت ءُ دیمروئی کتگیں پاکستان ءِ بنیات ءَ ایر کن ایں ۔