صدر آصف علی زرداری ءِ وانندگی ءِ میاں اوستمانی روچ ءِ موہ ءَ کلوہ ءِ رد ءَ وانگ ءُ زانگ ءِ وسیلگ ءَ زالبول ءُ زھگ آناں وت مستر جوڑ کنگ ءِ سر ءَ ھاسیں دلگوشی دیگ لوٹ ایت

اسلام آباد۔8ستمبر  (اے پی پی): صدر آصف علی زرداری ءَ وانگ ءُ زانگ ءِ وسیلگ ءَ زالبول ءُ زھگ آناں توانمند کنگ ءِ سر ءَ ھاسیں دلگوشی دیگ ءِ ضلورت ءِ سر ءَ زور پر دات ءُ گوشت کہ ھچ راج ھما وھد ءَ وتی راستیں توان ءَ رس اِت نہ کنت داں وھدے آئی ءِ نیم آبادی دیمروئی ءِ عمل ءَ ھوار مہ بیت۔ پاکستان ءِ حکومت وانندگی ءِ دیمروئی ءِ ھاترا مھکمیں رنگ ءَ جزم اِنت ءُ مھکمیں راجی کمک، کوالٹی ءِ وانگ ءُ زانگ ءِ تہ ءَ سرمایہ کاری، ڈیجیٹلائزیشن ءِ تہ ءَ نوکیں چیز ءُ چاگرد ءِ ھوار کنگ ءِ وسیلگ ءَ اے مول ءُ مراد ءِ نیمگ ءَ روگ ءَ اِنت۔ صدارتی ایوان ءِ پریس ونگ ءِ رد ءَ صدر ءِ مملکت ءَ اے ھیالانی درشانی میاں اوستمانی وانندگی ءِ روچ ءِ درگت ءَ وتی کلوہ ءِ تہ ءَ کت۔ آئی ءَ گوشت کہ مرچی وانندگی ءِ میاں اوستمانی روچ ءَ من توامیں پاکستانی آں گوں دزبندی کن آں کہ آ اے شرپداریں مول ءُ مراد ءِ سر ءَ وتی عزم ءِ نوک بہ کن اَنت ءُ یک انچیں پاکستان ءِ جوڑ بہ کن اَنت کہ اودا وانندگی آفاقی بہ بیت، وانگ ءُ زانگ سرجمی ءَ بہ بیت ءُ زانت درست آنی دست ءَ بہ بیت۔ صدر ءِ مملکت ءَ گوشت کہ من پاکستان ءِ الس ءُ دگنیا ءِ توامیں مردم آناں دل ءِ جہلانکی ءَ چہ مبارک بات آناں سر کناں کہ آ یک انچیں گلوبل سوسائٹی ءِ واستہ کوشست کنگ ءَ انت کہ اودا علم ءُ زانگ ءِ موہ درست آنی دست ءَ بہ بنت۔ آئی ءَ گوشت کہ وانندگی ایوک ءَ وانگ ءُ نبیسگ ءِ توانائی نہ اِنت بلکینگ ءَ اے انسانی فکری دیمروئی ءِ دیمروئی ءِ جیڈھ اِنت، وت ءَ را شرپ ءُ شرپ ءِ جیڈھ اِنت ءُ بنیاتی انسانی ھک اِنت۔ اے مردماں اعتماد دنت، چاگرد ءِ تہا آہاں توار دنت ءُ ہما موہانی دروازگاں پچ کنت کہ اگاں نہ آہانی دست ءَ نہ بوتگ انت۔ صدر آصف علی زرداری ءَ گوشت کہ وانندگی ذاتی دیمروئی ءُ چاگردی دیمروئی ءِ بنیات ھم انت ایشی ءَ چہ شہری معیشت، دود ءُ ربیدگ ءُ جمہوریت ءَ سرجمی ءَ بھر زوری ءِ اہل بنت۔ آئی ءَ گوشت کہ پاکستان ءِ واستہ وانندگی راجی دیمروئی ءِ بنیات اِنت، گریبی ءِ کمی، نوآبادیاتی ءِ دیمروئی، جمہوریت ءِ مھکمی ءُ برجمیں دیمروئی ءِ واستہ سک باز المی اِنت۔ صدر ءِ مملکت ءَ گوشت کہ وانندہیں راج یک انچیں مھکمیں راج اِنت کہ آ وتی جیڈھ آناں گوں زانشتی، محکمت ءُ ساچشتی ازم ءَ گوں دیم پہ دیم بوت کنت۔ زالبول ءُ زھگاں وانگ ءُ زانگ ءِ وسیلگ ءَ توانمند کنگ ءِ سر ءَ ھاسیں دلگوشی دیگ لوٹ ایت۔ یک وانندہیں جنینے نہ ایوک ءَ وت ءَ شر کنت بلکیں وتی ھاندان ءُ چاگرد ءِ وشھالی ءِ وسیلہ جوڑ بیت، آ بدلی ءُ دیمروئی ءِ رھشون جوڑ بیت۔ زالبولانی وانگ ءُ زانگ ءِ تہ ءَ سرمایہ کاری ءِ ھاتر ءَ جان سلامتیں ھاندان ، مھکمیں معیشت ءُ عادلانہ چاگرد ءِ ضمانت اِنت۔ صدر ءِ مملکت ءَ گوشت کہ ھچ راج ھما وھد ءَ وتی حقیقی پوتان ءَ را پیلو کُت نہ کنت ھما وھد ءَ کہ آئی ءِ نیم آبادی دیمروئی ءِ عمل ءَ بھر مہ زوریت۔ حکومت پاکستان وانندگی ءِ دیمروئی ءِ ھاترا جزم اِنت ءُ مھکمیں سرکاری پالیشی، شمولیت ءِ وانگ ءُ زانگ ءِ تہ ءَ سرمایہ کاری، ڈیجیٹلائزیشن، نوآبادیاتی ءُ چاگرد ءِ ھوار بوھگ ءِ وسیلگ ءَ اے مول ءُ مراد ءِ نیمگ ءَ روگ ءَ اِنت۔ آئی ءَ گوشت کہ پاکستان رسمی ءُ غیر رسمی وانگ ءُ زانگ ءَ را مھکم کنگ ءَ انت تانکہ ھمک زھگ، ورنا ءُ مزنیں مردم ءَ را چہ اُمر، جنس ءُ چاگردی ءُ اقتصادی پسماندگ ءَ چہ ابید وانگ ءُ زانگ ءِ موہ رس ایت۔ صدر ءِ مملکت ءَ گوشت کہ اے راجی فرض ءِ واستہ اجتماعی عزم ءِ لوٹ اِنت۔ ما درستاں چہ ھوار ھاندان، چاگرد، سول سوسائٹی، میڈیا ءُ نجی شعبہ ءَ وتی کرد پیلو کنگی اِنت۔ مارا وانگ ءِ دود ءُ ربیدگ ءِ دیمروئی کنگی اِنت ءُ وانگ ءُ زانگ ءَ سرجمیں راج ءِ یک مشترکہ سرمایہ یے جوڑ کنگی اِنت۔ آئی ءَ گوشت کہ مرچی وانندگی ءِ میاں اوستمانی روچ ءَ من توامیں پاکستانی آں گوں دزبندی کن آں کہ آ اے شرپداریں مول ءُ مراد ءِ سر ءَ وتی عزم ءِ نوک بہ کن اَنت ءُ یک انچیں پاکستان ءِ جوڑ بہ کن اَنت کہ اودا وانندگی آفاقی بہ بیت، وانگ ءُ زانگ سرجمی ءَ بہ بیت ءُ زانت درست آنی دست ءَ بہ بیت۔ صدر آصف علی زرداری ءَ اے گپ ءِ سر ءَ زور پر دات کہ یکجائی ءَ مارا یک انچیں چاگردے جوڑ کنگ لوٹ ایت کہ آ انسانی شرپ ءِ برجائی ءَ بہ کنت، زالبول آناں توانمند بہ کنت ءُ امن، وشھالی ءُ دیمروئی ءِ واستہ وتی شہری آنی سرجمیں توانائی ءَ را کارمرد بہ کنت۔ آئی ءَ دعا کت کہ اللہ تعالیٰ مارا اے مشن ءِ تہا سوبمند بہ کنت ءُ پاکستان ءَ را یک روشن خیال، وانندہ ءُ وشحالیں ملکے جوڑ بہ کنت۔