مزن وزیر ءَ آماچیں دمگاں چہ مردم آناں وھد ءِ سر ءَ در کنگ ءُ وھد وھد ءِ سر ءَ کمکی کار آنی سر ءَ نگرانی ءِ واستہ پنت ءُ شون کتگ، آماچیں مردمانی برجای حکومت ءِ اولی ترجی اِنت، شہباز شریف

اسلام آباد۔5ستمبر  (اے پی پی): مزن وزیر محمد شہباز شریف ءَ آماچیں دمگاں چہ مردم آناں وھد ءِ سر ءَ در کنگ ءُ وھد وھد ءِ سر ءَ کمکی کار آنی سر ءَ نگرانی ءِ ھاترا پنت ءُ شون کتگ ءُ گوشت کہ ھور ءُ سیلاب ءِ آماچیں مردمانی برجای حکومت ءِ اولی ترجی اِنت، وفاقی حکومت ہر وڑیں کمک ءِ واستہ تیار اِنت۔ مزن وزیر محمد شہباز شریف ءِ سروکی ءَ جمعہ ءِ روچ ءَ مزن وزیر محمد شہباز شریف ءِ سروکی ءَ سیلاب ءِ سبب ءَ بوتگیں تاوان ءُ آماچیں دمگ آنی تہ ءَ کمک ءُ برجای ءِ کار آنی سر ءَ چار ءُ تپاسی ءِ واستہ دیوان برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ دیوان ءَ گوں گشتانک دیان ءَ گوشت کہ ھور ءُ سیلاب ءَ آماچیں مردم آنی برجای حکومت ءِ اولی کار اِنت۔ آئی ءَ پنت ءُ شون کت کہ ملک ءِ جنوبی دمگ آنی دریا آنی کش ءُ گوری دمگ آنی جاور آنی گوما گر ءُ چیل بوھگ ءِ واستہ المی ئیں تیاری کنگ بہ بیت۔ آئی ءَ گوشت کہ وفاقی حکومت صوبائی حکومت آناں ھمک رنگ ءِ کمک پجارینگ ءِ واستہ مدام ساڑی انت۔ آئی ءَ پنت ءُ شون کت کہ آماچیں دمگاں چہ وھد ءِ سر ءَ در کنگ ءُ کمکی کار آنی سر ءَ لحظہ پہ لحظہ نگرانی کنگ بہ بیت ءُ گوشت کہ وفاقی حکومت صوبائی حکومت آنی گوما سیلاب ءِ آماچیں مردم آنی سرجمیں برجای ءَ تاں کار کنگ ءَ برجاہ دار ایت۔ مزن وزیر ءَ پنت ءُ شون کت کہ یک کمیٹی یے جوڑ کنگ بہ بیت کہ اے رنگیں آماچیں مردم آناں مالی کمک پجارینگ بہ بیت کہ ناڈرا ءَ رجسٹرڈ نہ اَنت۔ آئی ءَ موسمیاتی بدلی ءِ وزارت ءَ را پرمان داتگ کہ آ آیوکیں سال ءِ مون سون ءِ واستہ نوں تیاری بہ کنت ءُ دو ہفتگ ءِ تہا یک جامع ایکشن پلان ءِ تیاری بہ کنت تانکہ پاکستان ءَ را موسمی بدلی ءِ زیانکاریں اثرات ءَ چہ رکھینگ بہ بیت، ایشی ءِ تہا مزنیں ھور ءُ سیلاب ھوار انت ءُ آھانی تاوان ءَ را کم چہ کم کنگ بہ بیت۔ مزن وزیر ءَ این ڈی ایم اے، پی ڈی ایم اے، پاک فوج ءُ وفاقی ءُ صوبائی ریسکیو ءُ ریلیف ایجنسی آنی ریسکیو ءُ ریلیف آپریشن آناں ساڑات۔ دیوان ءَ آماچیں دمگاں بوتگیں تاوان ءُ کمکی کارانی ھواری ءَ سیلاب ءِ استیں جاور ھال آنی درت ءَ سرپدی دیگ بیت۔ آئی ءَ دیوان ءَ را سرپد کت کہ مون سون ءِ گڈی ڈراپ ءِ ھلاس بوھگ ءَ پد آماچیں مردم آنی برجای ءِ کار بندات کنگ بیت۔ اے وھد ءَ سرجمیں وسیلگ ءُ مردمی قوت ریسکیو، ریلیف ءُ انخلاء ءِ کار ءَ گوں بندوک انت۔ آئی ءَ دیوان ءَ ھئور ءِ جاورھالانی درت ءَ سرپدی دات کہ دریائے راوی، ستلج ءُ چناب ءَ ھور میانجی ءُ رودراتکی پنجاب ءَ سر بوتگ ءُ زوت پنجناڈ ءَ چہ گوز ایت۔ چہ 10 ءَ بگر داں 12 لکھ کوشر ءِ ریسکیو آپریشن سرجم بوتگ ملتان ءَ اے وھد ءَ انتظامیہ، پاکستانی فوج ءُ ریسکیو ایجنسی سلکبی ریلے ءِ ٹُکّگ ءَ ابید ڈیم ءِ ٹُکّگ ءِ سرجمیں کوشستاں گوں ھوار اَنت۔ دیوان ءَ را گوشگ بوت کہ ملک ءِ بُرز ءُ میانجی دمگ آنی تہ ءَ 80درسد آماچیں بجلی ءِ نظام برجا کنگ بوتگ، وھدیکہ آماچیں پُل ءُ شاہراہ آناں رابطہ برجا کنگ ءِ واستہ جوڑ کنگ بوتگ ءُ ٹریفک ءِ واستہ پچ کنگ بوتگ۔ دیوان ءَ گوشگ بوت کہ سرجمی ءَ سرجمیں ملک ءَ 2 ملین ءَ چہ گیش مردم وھد ءِ سر ءَ کشگ بنت وھدیکہ سیلاب ءَ چہ آماچیں دمگ آنی تہ ءَ بندیں 4100 ءَ چہ گیش مردم آناں رکّینگ بیت۔ وفاقی حکومت ءَ 6300 ٹن ءَ چہ گیش امدادی سامان زدگیں مردماں سر کتگ۔ دیوان ءَ گیش گوشگ بوت کہ آماچیں مردم آناں دوا ءُ درمان کمک کنگ ءِ واستہ 2400 ءَ چہ گیش میڈیکل کیمپ جوڑ کنگ بوتگ انت۔ دیوان ءَ گوشت کہ سرجمیں ملک ءَ زدگیں مردم ءُ ٹپیگ ءُ تاوان ءِ آماچیں مردم آنی واستہ وفاقی حکومت ءِ نیمگ ءَ مالی کمک ءِ پجاری اولی ترجی ءِ بنیاد ءَ ناڈرا ءِ وسیلگ ءَ سرجم کنگ بوھگ ءَ انت۔ گند ءُ نند ءَ گلگت بلتستان، آزات جموں ءُ کشمیر ءَ ہوار چاریں صوبہ آنی چیف سیکرٹری آں وتی وتی صوبہ آنی جاور ھال آنی سر ءَ ھم چار ءُ تپاسی کت۔ مزن وزیر ءَ صوبائی حکومت آناں پنت ءُ شون کت کہ آ وفاقی حکومت ءِ نیمگ ءَ ھمک رنگ ءِ کمک ءَ بہ کن اَنت۔ گند ءُ نند ءَ وفاقی وزیر احد خان چیمہ، عطاء اللہ تارڑ، سردار اویس خان لغاری، چیئرمین این ڈی ایم اے، چیئرمین نادرا  ءُ سیادی داروکیں مزنیں حکام ءَ شریک بوتگ۔ گلگت بلتستان ءُ آزات کشمیر ءَ ہوار چاریں صوبہ آنی چیف سیکرٹری آں ویڈیو لنک ءِ وسیلگ ءَ بہر زرتگ۔