سندھ ءِ سر وزیر سید مراد علی شاہ ءُ ریلوے ءِ وفاقی وزیر محمد حنیف عباسی ءِ  نیام ءَ گند ءُ نند ، سندھ ءَ ریلوے ءِ نوک کنگ ءِ جزم

کراچی ۔5ستمبر  (اے پی پی): سندھ ءِ سر وزیر سید مراد علی شاہ ءُ ریلوے ءِ وفاقی وزیر محمد حنیف عباسی ءِ نیام ءَ کراچی ءَ برجم داشتگیں ھاسیں گند ءُ نند ءَ ریلوے ءِ نظام ءَ را نوک جوڑ کنگ ءُ الس ءَ را شریں سفری آسراتی پجاری کنگ ءِ واستہ مزنیں پیسلہ کنگ بوت۔ گند ءُ نند ءَ پیسلہ کنگ بوت کہ 480کلومیٹر دراجیں کراچی ءُ سککر ریلوے لائن ءِ سر ءَ 6 ارب کلدار ءِ یکجائی سرمایہ کاری ءِ گوما یک نوکیں مسافر ٹرین چلائینگ بیت ۔ ایشی ءَ ابید کراچی کانٹ ءُ سٹی اسٹیشن ءِ صفائی ءِ انتظامی سندھ سولڈ ویسٹ مینجمنٹ بورڈ ءِ سپرد کنگ بوتگ۔ دیوان ءَ سندھ ءِ ھاسیں ریلوے اسٹیشن آنی نوک جوڑ کنگ ءُ تجاوزات آناں ھلاس کنگ ءِ سر ءَ ھم تپاک کنگ بوت، وھدیکہ اے پیسلہ کنگ بوت کہ ایم ایل ون کیماڑی  ءَ چہ بندات کنگ بیت ءُ ایشی ءِ اپ گریڈیشن ءِ عمل ءَ را گیش تیز کنگ بیت۔ کراچی سرکلر ریلوے (کے سی آر) ءَ را یکجائی ءَ دیم ءَ برگ ءِ سر ءَ ھم تپاک کنگ بوت۔ بنجاھی وزیر سندھ سید مراد علی شاہ ءَ ریلوے ءِ احیاء ءِ واستہ برجاھیں گامگیج آناں ساڑات کنان ءَ گوشت کہ بازیں وھد ءَ پد ریلوے ءِ اصل ملکیت گندگ ءَ کیت۔ اے پیسلہ یک مھکم، نوکیں ءُ یکجاھیں ریلوے نیٹ ورک ءِ نیمگ ءَ سنگ میل ثابت بنت، ایشی ءَ چہ الس ءَ را براہ راست نپ رسیت ءُ ملک ءِ معیشت ءَ را مھکم کنت۔