وزیر داخلہ محسن نقوی ءَ کوہاٹ   ءَ  فتنہ الخوارج ءِ ناشرکارانی کوش ءِ سرا خیبر پختونخوا پولیس ءَ را یات کنائینتگ

اسلام آباد۔5ستمبر  (اے پی پی): وفاقی تہی کارانی وزیر محسن نقوی ءَ کوہات ءِ دمگ ءَ   فتنہ الخوارج ءِ ناشرکارانی کوش ءِ پد ءَ خیبر پختونخوا پولیس ءَ را شگر ءُ منت گپت۔ تہی کارانی وزیر ءَ وتی بیان ءِ تہ ءَ گوشت کہ کے پی کے پولیس ءَ وھد ءِ سر ءَ گامگیج کتگ ءُ خوارج ناشرکار آناں بالادستیں آسر ءَ سر کتگ۔ پولیس ءَ گوں دلیری ءَ خوارج ناشرکارانی دیم ءَ اوشتاتگ ءُ آھانی نا شریں منصوبہ ناکام کتگ۔ محسن نقوی ءَ ناشرکارانی تیرگواری ءَ شہید بوتگیں سب انسپکٹر طاہر نواز ءُ کانسٹیبل محمد علی ءَ را شگر ءُ منت گپت۔ وزیر داخلہ ءَ شہیدیں سب انسپکٹر طاہر نواز ءُ کانسٹیبل محمد علی ءِ گس ءِ مردم آں گوں دل ءِ جہلانکی ءَ دلپدردی ءِ درشانی کت۔ آئی ءَ گوشت کہ شھید آنی مزنیں قربانی مدام یات کنگ بنت، ناشرکاری ءِ ھلاپ ءَ جنگ ءَ خیبر پختونخوا پولیس اولی لیکہ ءَ انت ءُ ناشرکاری ءِ ھلاپ ءَ جنگ ءَ خیبر پختونخوا پولیس ءِ بامردیں زھگ آناں ابدمانیں قربانی داتگ انت۔