فلسطین ءِ صدر ءِ مشیر ءِ سروکی ءَ ڈل ءَ اسپیکر نیشنل اسمبلی ءَ گوں گند ءُ نند کتگ، غزہ ءَ اسرائیل ءِ بربریت ءِ مذمت کتگ، ہر رنگ ءَ مسلمانیں برات آنی کمک ءَ کنت، سردار ایاز صادق

اسلام آباد۔5ستمبر  (اے پی پی): فلسطین ءِ صدر ءِ مذہبی کارانی بابت ءَ مشیر ڈاکٹر محمود صدیقی الہباش  ءِ سروکی ءَ یک ڈل ءَ پارلیمنٹ ہاؤس ءَ راجی اسمبلی ءِ اسپیکر سردار ایاز صادق ءَ گوں گند ءُ نند کتگ، ایشی ءِ تہا مذہبی کارانی وفاقی وزیر سردار محمد یوسف ءَ ہم بہر زرتگ۔ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ سردار ایاز صادق ءَ فلسطینی ڈل ءَ را پارلیمنٹ گس ءَ سر بوھگ ءِ سر ءَ گوں دلجمی ءَ وش آتک کتگ ءُ گوشت کہ امام مسجد الاقصیٰ ھم ایشانی تہ ءَ ھوار بوھگ ءَ چہ وش اتک کن آں ۔ اسپیکر ءَ غزہ ءَ انسانی حقانی سنگینیں لگتمالی ءِ مذمت کنان ءَ گوشت کہ بے سلاہیں فلسطینی آنی سر ءَ اسرائیل ءِ زوراکی انسانی سانحہ اِنت ءُ آئی ءَ امیت اِنت کہ یک روچے ما درست مسیت الاقصیٰ ءَ جمعہ ءِ نماز ءَ وانگ ءَ ایں ۔ آئی ءَ گوشت کہ پاکستان ءِ فلسطین ءِ جیڈھ ءِ سر ءَ ھاسیں موقف ھست، پاکستان ءِ راجی اسمبلی ءَ فلسطین ءِ جیڈھ ءِ سر ءَ بازیں قرارداد منظور کتگ اَنت، یک روچے ھم نہ گوز اِیت کہ راجی اسمبلی ءِ دیوان ءَ اسرائیل ءِ زوراکی ءِ سر ءَ گپ ءُ تران مہ بیت، اسرائیل غزہ ءَ انسانی جاناں گوں گوازی کنگ ءَ اِنت، ءُ اسرائیل ءِ ھلاپ ءَ زوراکی ءِ ھلاپ ءَ مزنیں کساسے ءَ اسرائیل ءِ سرکاری زھرشانی کنوک وش آتک کنگ ءَ اَنت۔ اسپیکر ءَ گوشت کہ من سعودی شوریہ کونسل ءِ چیئرمین ءُ بازیں سفارتکاراں گوں فلسطین ءِ جیڈھ ءِ سر ءَ گپ ءُ تران کتگ۔ غزہ ءِ بے گناہیں زھگ ءُ زالبولانی کشتار ءِ سبب ءَ میان استمانی چاگرد ءِ ضمیر ءِ چکاس اِنت۔ فلسطین ءِ جیڑہ ءِ گیش ءُ گیوار ءِ ھاترا توار چست کنگ نہ ایوک ءَ مذھبی بلکن ءَ انسانی ءُ اخلاقی زمہ واری اِنت۔ انسانی کمک ءِ راہ ءَ اڑاند جوڑ کنگ ءُ وردن ءِ سلاہ جوڑ کنگ یک غیر انسانی کارے ۔ پاکستان ھمک پڑ ءَ اخلاقی، سیاسی ءُ سفارتی محاذ ءِ سر ءَ وتی فلسطینی برات آنی گوما اوشتگ ءَ برجاہ دار ایت۔ اسپیکر سردار ایاز صادق ءَ گوستگیں سیلاب ءِ وھد ءَ یکوئی ءِ پد ءَ فلسطین ءِ شگر ءُ منت گپت ۔ فلسطینی ڈل ءِ سروک صدر ءِ مملکت ءِ مذہبی کارانی بابت ءَ مشیر ڈاکٹر محمود صدیقی الحبش ءَ پاکستان ءِ مدام ءُ اصولی کمک ءِ سرا منت واری ءِ درشانی کت ءُ پاکستان ءَ گوستگیں سیلاب ءِ سبب ءَ جانی ءُ مال ءِ تاوان ءِ سرا دلپدردی ءُ اپسوز ءِ درشانی کت۔ آئی ءَ گوشت کہ غزہ ءِ الس پاکستانی الس ءِ یکوئی ءُ ھمدردی ءِ ستا ءَ کن اَنت، فلسطین ءَ را اسرائیل ءِ ظلم ءُ زوراکی آنی ھلاسی ءِ واستہ ترندیں انسانی کمک، سفارتی کمک ءُ میاں اوستمانی زور ءِ ضلورت اِنت، پاکستان ءِ راجی اسمبلی ءِ تر ءُ تاب مئے واستہ شرپ ءِ گپ اِنت، پاکستان فلسطینی آنی دومی گس اِنت ءُ اسرائیل ءِ تہ ءَ فلسطینی آنی تہ ءَ یک مسلمانیں دگنیا ءِ تہ ءَ نسل سازی ءِ ھست اِنت۔ دہائیاں ڈاکٹر محمود صدیقی الحباش ءَ گوشت کہ درستیں مشکل آنی باوجود ما امیت وار ایں کہ فلسطین ءَ را مسلمانیں دگنیا ءِ کمک ءَ گوں الم ءَ آجو بیت، ما فلسطین ءِ جیڈھ ءِ سر ءَ پاکستان ءِ اصولی موقف ءِ ستا ءَ کن ایں، پاکستان ءِ حکومت، سیاسی ءُ فوجی سروکی ءُ زانتکاراں مدام فلسطین ءِ جیڈھ ءِ سر ءَ چمشانک داتگ۔ آئی ءَ گوشت کہ اے ماہ ءَ اقوام متحدہ ءَ فلسطین ءِ واستہ دو ریاستی گیواری ءِ واستہ کانفرنس برجم دارگ بوھگ ءَ انت، امیت انت کہ مدام ءِ وڑ ءَ پاکستان اے کانفرنس ءَ فلسطین ءِ سرجمی ءَ کمک کنت ۔ آئی ءَ گوشت کہ مسلم ملک آں ابید دگہ بازیں ملک ھم فلسطین ءِ ھمراہداری ءَ کن اَنت۔ پد ءَ راجی اسمبلی ءِ سروک ءِ دعوت ءِ سر ءَ فلسطین ءِ صدر ءِ مذہبی کارانی مشیر ءَ جمعہ ءِ نماز ءِ خطبہ دات ءُ پارلیمنٹ ہاؤس ءِ مزنیں مسجد ءَ نماز ءِ رہشونی کت۔ راجی اسمبلی ءِ اسپیکر سردار ایاز صادق، وفاقی وزیر، پارلیمنٹ ءِ باسک ءُ راجی اسمبلی ءُ سینیٹ ءِ سیکرٹریٹ ءِ مزنیں کساسے ءَ کارندہ آں امام مسجد اقصیٰ ءِ سروکی ءَ جمعہ ءِ نماز ونت۔