گوستگیں سیلاب ءُ ھوراں 884 مردم بیران بوتگ انت،  292 لوگ تباہ بوتگ انت، حکومت درستیں وسیلگاں کارمرز کنگ ءَ انت، راج ءَ را دل ءِ جہلانکی ءَ چہ زدگیں مردمانی کمک کنگی انت، وفاقی  وزیر  اعظم نذیر تارڑ

اسلام آباد۔5ستمبر  (اے پی پی): کانود ءُ انصاف ءِ وفاقی وزیر اعظم نظیر تارڑ ءَ گوشت کہ ملک ءَ گوستگیں سیلاب ءُ ھور آنی تہ ءَ 884مردم بیران ءُ  292  گس تباہ بوتگ اَنت، حکومت وتی سرجمیں وسیلگ آناں کارمرد کنگ ءَ اِنت، سرجمیں راج ءَ را دل ءِ جہلانکی ءَ چہ آماچیں مردمانی کمک کنگی اِنت۔ آئی ئَ اے ھیالانی درشانی جمعہ ئِ روچ ئَ قومی اسمبلی ئِ تہ ئَ سیلاب ئِ ھوالگ ئَ برجاھیں بحث ئِ آسر کنان ئَ کت۔ آئی ءَ گوشت کہ دگنیا ءِ تہ ءَ ھر جاگہ ​​ءَ (دیمروئی کتگیں یا دیمروئی کنوکیں) طبیعی آفت آنی گوں گر ءُ چیل بوھگ آسان نہ اِنت۔ آئی ءَ گوشت کہ ملک ءَ سیلاب ءُ ھور آنی تہ ءَ 884 مردم بیران بوتگ، 1180 ٹپیگ بوتگ، 9292 لوگ تباہ بوتگ ءُ 6180 مال ءُ مڈی گار ءُ بیگواہ بوتگ انت۔ سیلاب ءِ تہ ءَ بند بوتگیں ھزاراں مردم کانود ءِ وزیر ءَ گوشت کہ مزن وزیر سرجمیں ملک ءَ سیلاب ءِ تہ ءَ بیران بوتگیں مردم آناں یک یک ءَ 2 ملین کلدار، سک ٹپی بوتگیں مردم آناں 5 ملین کلدار ءُ کم ٹپی بوتگیں مردم آناں دو ملین کلدار دیگ ءَ اِنت ایشی ءِ واستہ 69کروڑ کلدار یلہ کنگ بوتگ۔ آئی ءَ گوشت کہ این ڈی ایم اے ءَ را یک ارب 3ارب کلدار ریلیز کنگ بوتگ، ڈی ایم اے ءُ ڈی ڈی ایم اے ایشی ءِ چیر دستی ادارگ انت۔ آئی ءَ گوشت کہ ھور، سیلاب ءُ جمبر ءِ ھوالگ ءَ این ڈی ایم اے ءِ پیش گوئی آنی تہ ءَ 92درسد راست ثابت بوتگ، ایشی ءَ چہ الس ءَ را نپ چست کنگی اِنت تانکہ ایشی ءَ چہ رکھینگ ءِ گامگیج زورگ ءَ کمک رسیت۔ آئی ءَ گوشت کہ حکومت وتی وسیلگ آنی گوما ھرچ وڑیں گامگیج کنگ ءَ اِنت، البت تباہی انچو مزن اِنت کہ سرجمیں راج دل ءِ جہلانکی ءَ کمک بہ کنت، ما سرجمیں وسیلگ آنی یکجا کنگ ءَ چہ آماچیں مردم آناں زندگ کنگ ءِ کوشست ءَ کنگ ءَ ایں ۔ اعظم نظیر تارڑ ءَ گوشت کہ اے یک راجی سانحہ یے، ما موسمی بدلی ءِ سبب ءَ اے قدرتی آفت آنی دیمپانی ءَ ایں، سیاست ءِ بدل ءَ مارا راجی جزبگ ءَ گوں وتی گہار ءُ برات آنی کمک کنگی انت، سرکار اے درگت ءَ یک ساھتے ھم زوال نہ کنت۔