پاکستان ءُ چین ءِ نیام ءَ جتا جتائیں شوبگ آنی تہ ءَ کمک ءُ سرمایہ کاری ءِ واستہ 21 تپاک نامہ ءِ سر ءَ دستخط کنگ بوتگ، تپاک نامہ آنی سر ءَ عمل کنگ دوئیں ملک آنی اقتصادی دیمروئی ءِ واستہ یک دراجیں مارچ ءِ بیت، مزن وزیر شہباز شریف

بیجنگ۔4ستمبر  (اے پی پی):پاکستان ءُ چین ءَ کشت ءُ کشاری، الیکٹرک گاڑی، شمسی توانائی، جان سلامتی، کیمیکلز ءُ پیٹرو کیمیکلز، آئرن ءُ اسٹیل ءَ ھوار جتا جتائیں شوبگ آنی تہ ءَ کمک ءُ سرمایہ کاری ءِ واستہ 4.2ارب ڈالر ءِ 21 تپاک نامہ ءِ سر ءَ دستخط کتگ، وھدیکہ چین ءِ سرمایہ کار آناں جتا جتائیں اقتصادی زون آنی تہ ءَ سرمایہ کاری ءِ دعوت دیگ بوتگ۔ کانفرنس ءُتپاک نامہ ءِ سرا عمل درآمد دوئیں ملک آنی اقتصادی دیمروئی ءِ واستہ یک دراجیں مارچ ءِ بیت۔ اے لانگ مارچ ءَ چہ پاکستان یک انچیں ملکے ءِ تہا بدل بیت کہ ایشی ءِ تہا ارباں ڈالر سرمایہ کاری کنگ بیت، لاکھوں منافع بخشیں روزگار ءِ موہ پیداک بنت، جی ڈی پی گیش بیت ءُ معیشت مھکم بیت۔ سی پیک ءِ دومی بھر ءَ پاکستان چین ءِ گوما کمک کنگ لوٹ ایت۔ ہاں چین ءِ دیمروئی مئے واستہ رول ماڈل انت، چینی سرمایہ کارانی جیڑہ اولویت ءِ بنیاد ءَ گیش ءُ گیوار کنگ بنت، چینی صنعتاں پاکستان ءَ ٹرانسفر کنگ ءَ ارزانیں مزدور ءُ دگہ آسراتی دیگ بنت، پاکستان ءَ چینی براتانی ایمنی ءِ سرا ہچ وڑیں سوگند نہ بیت۔ پنچ شمبے ءِ روچ ءَ پاکستان ءُ چین ءِ بی ٹو بی سرمایہ کاری کانفرنس ءِ موہ ءَ تپاک نامہ ءُ یکجائی منصوبگ آنی سر ءَ دستخط کنگ بوت۔ اے موہ ءِ سر ءَ نائب مزن وزیر ءُ درئی کارانی وزیر اسحاق ڈار، سیادی داروکیں وفاقی وزیر ءُ پاکستان ءُ چینی نامداریں کمپنی آنی مزنیں کساس ءِ نمائندگ ھم ھوار اتنت۔ 1.54ارب ڈالر ءِ مالیت ءِ مشترکہ منصوبگ آنی سر ءَ ہائی ٹیک، زراعت، طبی ءُ جان سلامتی، کیمیکل ءُ پیٹرو کیمیکل، لوہے، اسٹیل ءُ تانبہ، شمسی توانائی، ءُ الیکٹرک گاڑی آنی شوبگ آنی تہ ءَ سیادی داروکیں کمپنی آنی نمائندگ آنی نیمگ ءَ دستخط کنگ بوتگ۔ مزن وزیر ءَ پاکستان ءُ چین ءِ بی ٹو بی سرمایہ کاری کانفرنس ءَ گوں گشتانک دیان ءَ گوشت کہ مزنیں ارزشت ءِ چینی کاروباری ادارگ آنی گوما گشتانک دیگ منی واستہ شرپ ءِ گپ اِنت۔ من وتی زند ءِ مستریں کانفرنس ءَ بہر زورگ ءَ آں ۔ پاکستان ءُ چین ءِ دوستی چہ ہمالیہ ءَ بُرز تر اِنت، چہ سمندراں گیشتر، چہ سٹیل ءُ آہن ءَ گیشتر مھکم اِنت ءُ چہ شھیدی ءَ شیرکن تر اِنت کہ راجدپتر ءَ آئی ءِ ھچ وڑیں ھمگرنچ نیست۔ مئے دوستی ءِ بُن ھشت ایمانداری، یکے دومی ءِ احترام ءُ ھر وش ءُ گرانیں وھد ءَ ھمکاری اِنت۔ مزن وزیر ءَ گوشت کہ چین پاکستان ءِ یک دلجمیں، راستیں دوست اِنت، آئی ءَ ھرچ مشکلیں وھد ءَ پاکستان ءِ گوما اوشتاتگ، زمین چنڈ بہ بیت یا سیلاب، چین ءِ پاکستان ءِ گوما ھما رنگ ءَ اوشتاتگ بے درور اِنت۔ مزن وزیر ءَ گوشت کہ من دل ئِ تہ ءَ چہ گوش آں کہ مئے دوئیں مزنیں ملک آنی نیام ءَ مئے پیرین آنی نیمگ ءَ جوڑ کتگیں سیادی تیزی ءَ گوں دیم ءَ روگ ءَ اَنت ءُ آ ایشاں دیم ءَ بارت۔ 2015 ءَ چین ءُ پاکستان ءَ سی پیک ءِ معاہدہ کتگ ءُ منی سکیں گرانیں برات چینی صدر شی جن پنگ ءَ پاکستان ءِ تر ءُ تاب کتگ ءُ منی مستریں برات مزن وزیر محمد نواز شریف ءِ گوما سی پیک ءِ معاہدہ کتگ ءُ ایشی ءِ آسر ءَ چینی کمپنیاں پاکستان ءَ 35 ارب ڈالر سرمایہ کاری کتگ۔ مزن وزیر ءَ گوشت کہ چینی سرمایہ کاری ءِ تہ ءَ 22، 22کلاک ءِ لوڈ شیڈنگ ھلاس بوتگ ءُ 2018 ءَ پاکستان وتی توان ءِ ضلورت آنی تہ ءَ وت واجہ بوتگ، صنعت آنی تہ ءَ بحالی بوتگ، کشت ءُ کشاری ءِ تہ ءَ بحالی بوتگ، مزنیں بنیاتی ڈھانچگ ءِ منصوبگ، روڈ نیٹ ورک، اورنج لائن ءِ دگہ منصوبگ لاہور، ڈیم ءُ بازیں منصوبگ آنی تہ ءَ پاکستان ءَ را دیمروئی داتگ۔ مزن وزیر ءَ گوشت کہ بدبھتی ءَ اے سیریز نیام ءَ اوشتات، بلے مرچی نہ ایوک ءَ اے منصوبگ بحالی بوتگ بلکینگ ءَ دو نیمگی بھروسہ، وت مہ وتی شرپ ءُ گرمائی ئِ تہ ءَ گیشی بوتگ، اے وھد ئِ لوٹ اِنت۔ مزن وزیر ءَ گوشت کہ مرچی ما سی پیک 2.0 ءِ بندات کنگ ءَ آں، اے سی پیک 2.0 ءَ بی ٹو بی سرمایہ کاری ھوار اِنت۔ مزن وزیر ءَ گوشت کہ کشت ءُ کشاری ءِ شوبگ پاکستان ءِ معیشت ءِ ریڑھ ءِ ھڈ اِنت ءُ مئے معیشت ءِ 60درسد کشت ءُ کشاری ءِ سر ءَ بندوک اِنت، من چینی سرمایہ کار ءُ کاروباری مردم آناں دعوت دیان آں کہ آ وتی تجربگ، مہارت ءُ سرمایہ کاری ءَ را پاکستان ءِ کشت ءُ کشاری ءِ شوبگ ءَ ھرچ بہ کن اَنت ءُ کشت ءُ کشاری ءَ را دیمروئی بہ دنت، ایشی ءَ چہ پاکستان ءَ را درآمد کنگ ءَ چہ دوئیں ملک آناں نپ رسیت۔ ملکاں چہ بوتگ۔ مزن وزیر ءَ گوشت کہ انفارمیشن ٹیکنالوجی (آئی ٹی) ءُ آرٹیفیشل انٹیلی جنس (اے آئی) یک دگہ ھاسیں ٹیلنٹ سیکٹر انت ایشی ءِ تہ ءَ چین جھان ءِ تک ءَ دیم ءَ انت، کان کنی ءُ معدنیات وت مہ وتی کمک ءِ واستہ یک دگہ ھاسیں ٹیلنٹ سیکٹر انت۔ مزن وزیر ءَ گوشت کہ بے شک ءَ ھاسیں اقتصادی زون سی پیک 2.0 ءِ مستریں ستون اَنت کہ آ چینی سرمایہ کار آناں دلکشیں موہ پجارینگ ءَ اَنت، چین ٹیکسٹائل، چمڑہ ءُ ایندگر شوبگ آنی تہ ءَ صنعت آناں پاکستان ءَ شِفٹ کت کنت ءُ پاکستان ءِ کارکنیں ٹولی ءَ چہ فائدگ چست کنت کہ اے آسراتی آنی تہ ءَ کمیں ھرچ ءُ درچ ءَ دستیاب اِنت۔ پاکستان ءِ سیمی ملکانی مقابلہ ءَ۔ مزن وزیر ءَ گوشت کہ من چین ءِ سرمایہ کار آناں دزبندی کن آں کہ آ دیم ءَ بہ رو اَنت ءُ اے موہ آناں پائدگ چست بہ کن اَنت۔ مزن وزیر ءَ گوشت کہ بیجنگ ءَ پاکستانی وزیر ءُ توان، انفارمیشن، ٹیکنالوجی، کامرس ءُ توامیں شوبگ ئِ کارندہ ساڑی اَنت ایش چینی سرمایہ کار آناں آسراتی دنت۔ مزن وزیر ءَ گوشت کہ آئی ئِ ھوار بوھگ ئِ گواہی اِنت کہ پاکستان چین ئِ وڑیں مزنیں سنگت ئِ گوما اقتصادی سیادی ءَ را چنچو ارزشت دنت ءُ ایشی ءَ چہ پاکستان ئِ چیف ایگزیکٹو ءُ مزن وزیر ئِ بستار ءَ اِدا آں۔ اگاں مئے معیشت مھکم بوت گڈا دوئیں ملک مھکم بنت۔ آئی ءَ گوشت کہ الحمد اللہ، پاکستان ءِ معیشت نوں مھکم اِنت ءُ اقتصادی اشارہ آیوکیں وھد ءَ جوانیں دیمروئی ءِ نیمگ ءَ اشارہ کنگ ءَ اَنت، کسانیں، میاں اوستمانی ءُ دراجیں مدت ءَ اقتصادی دیمروئی بیت۔ مزن وزیر ءَ گوشت کہ اے درستیں چیز چین ءِ صدر شی جن پنگ ءِ پاکستان ءِ گوما کمک کنگ ءِ ذاتی جزم ءِ سبب ءَ ممکن بوتگ انت ءُ نوں ما چین ءِ کمک ءَ چہ اقتصادی دیمروئی ءِ دوڑ ءَ ایندگہ ملک آنی گوما مقابلہ کنگ ءَ تیار آں ۔ مزن وزیر ءَ اے گپ پدر کت کہ پاکستان ءَ چینی برات ءُ گھار آنی ایمنی مئے اولی ترجی انت، بیا اِت دیم ءَ رو ایں ءُ اقتصادی ندارگ آناں بدل کن ایں ءُ چین ءُ پاکستان ءِ اُلس ءِ دیمروئی ءُ وشھالی ءِ واستہ یکجائی ءَ کار کن ایں۔ محمد شہباز شریف ءَ گشتگ کہ چین ءِ برات آناں پاکستان ءَ سرمایہ کاری ءِ آسراتی دیگ ءَ ہچ وڑیں دیر کنگ ءَ برداشت نہ کناں ۔ اے موہ ءِ سر ءَ آئی ءَ دو یا سئے ھپتگ پیسر چینی گل ءِ نیمگ ءَ 24 کلاک ءِ تہ ءَ پجارینگ بوتگیں جیڑھ ءِ گیش ءُ گیوار ءِ مثال دات ءُ گوشت کہ اسلام آباد ءَ چینی گل ءَ دیوان ءِ تہ ءَ گْوشتگ کہ آھاں لھتیں جیڑھانی دیمپانی کنگ ءَ اِنت کہ ایشی ءِ سر ءَ من وتی کابینہ ءِ باسک آناں ھدایت کتگ کہ اے جیڑھ ءَ را 24 کلاک ءِ تہ ءَ گیش ءُ گیوار بہ کن اَنت ءُ آ جیڑھ گیش ءُ گیوار بوتگ کہ من پاکستان ءِ رنگ ءَ بس دومی ءِ رنگ ءَ اِنت ءُ کہ شما درست مئے دومی اِنت۔ دیم ءَ رو ءُ یکجائی سرمایہ کاری ءَ بہ کن، درستیں وزارت، ادارگ ءُ محکمہ چینی سرمایہ کار آنی گوما سرجمیں رنگ ءَ کمک کن اَنت ءُ زوت ما چینی ءُ پاکستانی سرمایہ کاری ءِ وسیلگ ءَ نہ ایوک ءَ یک بلکیں یک ءَ چہ گیش ھاسیں اقتصادی زون جوڑ کن ایں ۔ مزن وزیر ءَ گوشت کہ اے منی واب اِنت ءُ ما معاہدہ آنی سر ءَ عمل درآمد ءِ وسیلگ ءَ اے واب ءَ سرجم کن آں، سی پیک 2.0 منی واستہ اولی ترجی اِنت۔ مزن وزیر ءَ گوشت کہ چین 15سال آنی تہ ءَ دگنیا ئِ دومی مزنیں معیشت جوڑ بوتگ ءُ دگنیا ئِ جوانیں فوجی طاقت اِنت ءُ اے محنت، محنت ءُ محنت ءَ چہ ممکن بوتگ ءُ ما چین ئِ ماڈل ئِ وسیلگ ءَ چہ پاکستان ءَ بدل کنگ لوٹاں۔ مزن وزیر ءَ گوشت کہ چین ءِ صدر شی جن پنگ ءِ سروکی ءَ چین ءَ را رستگیں وشیں دیمروئی بے درور اِنت، چین ءَ 700 ملین مردم آناں گریبی ءَ چہ در کتگ ءُ نہ ایوک ءَ وتی راج ءَ را روزگار داتگ بلکیں سرجمیں دگنیا ءَ ھزاراں مردم آناں روزگار ءِ پیشکش کنگ ءَ اِنت ءُ وشھالی ءِ نیمگ ءَ دیم ءَ روگ ءَ اِنت۔ دیمروئی ءُ پاکستان یک روچے متحرک معیشت ءِ تہا بدل بیت۔ مزن وزیر ءَ کانفرنس ءِ گڈی گشتانک ءِ تہ ءَ گوشت کہ سرمایہ کار آنی نیام ءَ تپاک نامہ آنی مٹ ءُ بدل کنگ ءَ را وش اتک کنگ بیت۔ اے وڑیں مراگش گوستگیں وھداں ھم بوتگ اَنت بلے بے مٹیں کوشست ءُ محنت ءِ وسیلہ ءَ اے مراگش ممکن بوتگ۔ پاکستان ءَ چین ءِ سفیر، چین ءِ سرکار ءُ چین ءِ مزنیں کاروباری مردماں اے کار ممکن کتگ۔ اے درگت ءَ سیادی داروکیں وفاقی وزیر، سرمایہ کاری بورڈ، ایس آئی ایف سی، صوبائی حکومت ءُ سیادی داروکیں محکمہ آنی نیام ءَ جوانیں رابطہ ءِ گوما پیشرفت بوتگ۔ اے درگت ءَ درستیں سیادی داروکیں ادارگ آنی کرد ستا کرز انت۔ تپاک نامہ آں چہ دوئیں ملک آنی نیام ءَ کمک ءَ را دیمروئی رسیت۔ آئی ءَ گوشت کہ پاکستانی ءُ چینی کمپنی آنی نیمگ ءَ یک ارب ءُ نیم ڈالر ئِ یکجائی وینچر آنی سر ءَ دستخط کنگ بوتگ۔ تپاک آناں معاہدہ ءِ تہا بدل کنگ ءُ ایشی ءِ سرا عمل کنگ مئے واستہ یک چیلنج انت۔ مارا ایشی ءِ ھاتر ءَ یکجاہ کار کنگی اِنت ءُ دوئیں حکومتاں نزیکیں رابطہ ءِ وسیلگ ءَ دیم ءَ روگی اِنت۔ چین ءَ پاکستان ءِ سفیر ءُ پاکستان ءَ چین ءِ سفیر ءُ مئے وفاقی وزیر ھمگرنچیں چین ءِ کارندہ آں گوں یکجائی ءَ کار بہ کن اَنت۔ مارا یقین اِنت کہ ما وتی مول ءُ مراد ءِ سرجم کنگ ءَ سوبین بئیں۔ آئی ءَ گوشت کہ بازیں شوبگ آنی تہ ءَ بزنس کمیونٹی ءِ نیام ءَ کمک ستا کرز انت۔ اگاں ما دوئیں ملک آنی نیام ءَ تپاک نامہ ءُ یکجائی منصوبگ آنی سر ءَ عمل کنگ ءَ سوبین بہ بئیں گڈا اے دوئیں ملک آنی اقتصادی دیمروئی ءِ واستہ یک دراجیں مارچ ءِ بیت۔ اے لانگ مارچ بیجنگ ءَ چہ بندات بیت ءُ اسلام آباد ءَ وتی منزل ءَ آسر بیت۔ اے لانگ مارچ ءَ چہ پاکستان یک انچیں ملکے ءِ تہا بدل بیت کہ ایشی ءِ تہا ارباں ڈالر سرمایہ کاری کنگ بیت، لاکھوں منافع بخش روزگار ءِ موہ پیداک بنت، مئے جی ڈی پی گیش بیت ءُ معیشت مھکم بیت۔ مزن وزیر ءَ گوشت کہ اے چیلنج ءَ را منگ ءَ چہ ما مرچی شام ءَ چہ دیمروئی ءِ لانگ مارچ ءَ بندات کن ایں ءُ دانکہ اقتصادی دیمروئی ءِ مکسد ءَ سر نہ بئیں تہ یک جاہ ءَ نہ نند ایں ءُ ایشی ءِ واستہ بے مٹیں کار کن ایں ۔ اے پاکستان ءِ راجدپتر ءِ تہا یک سکیں وشیں ساھتے بیت۔ اے مول ءُ مراد ءِ واستہ سرجمیں سرکاری ادارگ، محکمہ ءُ پرائیویٹ سیکٹر یکجائی ءَ سرجمیں یکوئی ءُ کمک ءِ تہ ءَ کار کن اَنت۔ مزن وزیر ءَ گوشت کہ بی ٹو بی کانفرنس پاکستان ئِ دیمروئی ئِ تہ ءَ سنگ میل ئِ ثابت بیت۔ من ترا دل یکیمی کناں کہ اقتصادی دیمروئی ءِ مکسد آنی سرجمی ءِ واستہ شپ ءُ روچ محنت کناں۔ پہ ایشی ءَ مارا سک محنت کنگی اِنت۔ ایشی ءَ چہ پاکستان ءُ چین ءَ را رول ماڈل جوڑ بنت کہ ایشی ئِ پد ءَ ایندگہ ملک ھم کاینت۔