مزن وزیر شہباز شریف ءِ چین ءِ گوستگیں تر ءُ تاب ءَ پد پاکستان ءُ چین ءِ سیادی بے دروریں بالاد ءَ سر بوتگ انت، وزیر ءِ ھال رسانی عطا اللہ تارڑ

بیجنگ ۔4ستمبر  (اے پی پی):وفاقی وزیر ءِ اھوالکاری ءُ شنگکاری عطا اللہ تارڑ ءَ مزن وزیر شہباز شریف ءِ چین ءِ تر ءُ تاب ءَ را سک باز ارزشت داتگ ءُ گوشت کہ اے تر ءُ تاب ءَ گوں پاکستان ءُ چین ءِ سیادی نوکیں ءُ بے دروریں بالاد ءَ سر بوتگ انت۔ دومی پاکستان چین بی ٹو بی سرمایہ کاری کانفرنس ءِ بنگیجی دیوان ءَ چہ پد میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ مزن وزیر شہباز شریف ءِ سروکی ءَ حکومت سی پیک 2.0 ءِ دیمروئی ءَ را اولی ترجی دیگ ءَ انت۔ آئی ءَ اے گپ ءِ پدرائی کت کہ سی پیک ءِ دومی بھر ءِ فوکس بی ٹو بی شریکداری، پاکستان ءَ صنعتی دیمروئی، دمگی رابطہ کاری ءِ تہ ءَ گیشی ءُ قراقرم ہائی وے ءِ نوک جوڑیشت ءُ توسیپ اِنت۔ آئی ٹی ءُ معدنیات ءِ شوبگ ءَ موہ آناں پدر کنان ءَ وفاقی اطلاعات ءِ وزیر ءَ مصنوعی ذہانت ءِ سر ءَ بنیات ءِ سر ءَ دیمروئی ءِ ارزشت ءِ سر ءَ زور پر دات۔ آئی ءَ گوشت کہ مزن وزیر چینی صدر شی جن پنگ ءِ واستہ سک باز شرپ ءُ احترام ءَ کنت ءُ آئی ءَ را وتی رول ماڈل لیک ایت، وھدیکہ چین ءِ تر ءُ تاب ءِ وھد ءَ چینی سروکی ءَ گوں گند ءُ نند سک باز وش ءُ دلجمی بوتگ۔ آئی ءَ گوشت کہ دگنیا ءَ دیستگ کہ پاک چین ءِ ھر موسم ءِ اسٹریٹجک شریکداری سنگ ءِ وڑ ءَ مھکم اِنت، مارا فخر اِنت کہ مارا آئرن برادرز گْوشگ بیت، اے سیادی راستی ءَ مئے راج ءِ واستہ الہام بخش اِنت۔ سی پیک 2.0 ءِ چیر دستی ءَ ورنا آنی تہ ءَ توانمند کنگ ءِ ھوالگ ءَ وزیر ءِ اھوالکاری ءَ الس ءِ ھوار بوھگ ءُ گیش ءَ چہ گیش چینی ورنا آنی پاکستان ءِ تر ءُ تاب ءِ سر ءَ زور پر دات۔ آئی ءَ چینی سوشل میڈیا ءِ اثر رساں آناں دعوت دات کہ آ پاکستان ءِ دود ءُ ربیدگ، آئی ٹی ءِ شوبگ ءُ سیل ءُ سواد ءِ مزنیں گنجائش ءِ سر ءَ نزیکی ءَ چار ءُ تپاسی بہ کن اَنت۔ وفاقی وزیر ءِ اھوالکاری ءَ گوشت کہ پاک چین ءِ دوستی مئے دود ءُ ربیدگ ءِ تہ ءَ ھوار اِنت، اے سیادی راستی ءَ مئے ھون ءِ بھر اِنت۔ آئی ءَ جار جتگ کہ نوکیں نسل آنی نیام ءَ دو نیمگی سیادی ءَ را گیش مھکم کنگ ءِ واستہ پاکستانی ورنا آنی ڈل زوت چین ءِ تر ءُ تاب ءَ کنت۔ آئی ءَ سوشل میڈیا ءُ میڈیا ءِ شوبگ آنی تہ ءَ کمک ءِ دیمروئی ءِ جزم ءِ درشان کت تانکہ دوئیں ملک آنی ورنا انفلوئنسر آنی نیام ءَ رابطہ آناں گیش کنگ بہ بیت۔ عطا اللہ تارڑ ءَ گوشت کہ پاکستان ءُ چین ءِ نیام ءَ دو نیمگی تجارت ءِ تہ ءَ ترندی ءَ گوں گیشی بوھگ ءَ اِنت، پاکستانی صنعت کار چینی مارکیٹ ءَ سر بوھگ ءِ واھشت مند اَنت، وھدیکہ چینی کاروبار پاکستان ءَ موہ آنی شوھاز ءَ اَنت۔ آئی ءَ گوشت کہ دوئیں ملک آنی مارکیٹ یک ءِ دومی ءِ واستہ پچ انت، چینی صنعت آنی واستہ پاکستان ءَ کارخانہ جوڑ کنگ ءُ ایشی ءَ را برآمدی مرکز ءِ رنگ ءَ کارمرد کنگ ءِ بے دروریں موہ است انت۔ مشترکہ منصوبہ بندی، سرمایہ کاری ءُ کاروباری رابطہ ءِ وسیلگ ءَ ما وتی تعاون ءَ نوکیں بلندی ءَ سر کنیں۔