وزیراعظم شہباز شریف تون چین انا وزیر صنعت و آئی ٹی لی لیچنگ نا اوڑدہی ، وزیراعظم نا سی پیک فیز IIانا بابت پیش رفت آ است جمی نا درشان

بیجنگ۔ 04 ستمبر (اے پی پی) وزیراعظم محمد شہباز شریف چین۔ پاکستان اقتصادی راہداری ءِ پاکستان نا راجی و اقتصادی شونداری نا مرکزی تمبہ گوندسا سی پیک فیز IIنا بابت پدریسہ پیش رفت آ است جمی نا درشانی ءِ کرینے۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم محمد شہباز شریف تون چین انا وزیر صنعت و انفارمیشن ٹیکنالوجی لی لیچینگ پنچ شنبے نادے آ داڑے اوڑدہی کرے۔ وزیراعظم چین اتون صنعت، کشت وکشار، واپار ، انفارمیشن اینڈ کمیونیکیشن ٹیکنالوجی، کانڑ کنی و معدنیات نا بشخ آتیٹی ہڑتوم آ کنڈآتا کمکاری ءِ پین گہرا کننگ نا پاکستان نا وژن نا درشانی ءِ کرے۔ اوچین۔ پاکستان اقتصادی راہداری ءِ پاکستان نا راجی و اقتصادی شونداری نا مرکزی تمبہ گوندا و سی پیک فیز IIاٹی پدریسہ پیش رفت آ است جمی نا درشانی ءِ کرے۔ وزیراعظم نا اقتصادی اصلاحات نا ایجنڈا نا ستاءِ کرسا چینی وزیر لی لیچینگ داہیت آزور شاغا کہ چین پاکستان ءِ تینا گہرا سنگت و سدابہار تزویراتی شریدار تکک۔ اوپاکستان تون ہڑتوم آکنڈآتا تعلقداری ءِ کمکاری و شریداری نا پوسکن آ بڑزی تسکان سرکننگ کن چین انا پکا عزم انا درشانی ءِ کرے۔