صدر مملکت نا پی پی پی یوایس اے نا صدر محمد خالد اعوانءِ پارٹی کن خذمت آتیا خراج تحسین

اسلام آباد۔ 04 ستمبر(اے پی پی) صدر مملکت و پاکستان پیپلزپارٹی نا شریک چیئرمین آصف علی زرداری پی پی پی یوایس اے نا صدر محمد خالد اعوان و اونا ٹیم انا مچ آ امریکہ ٹی پارٹی ءِ سوگو کننگ کن پرخلوص کوشست آتا ستاءِ کرینے۔ ایوان ءِ صدر نا پریس ونگ آن پنچ شنبے نادے آ جاری بیان نا رداٹ خالد اعوان نا پن چٹھی ٹی صدر مملکت پارے کہ پی پی پی یوایس اے ٹی ہزار آکارندہ غاتا اواری اسہ قابل ذکر مزل نا نشان اسے ہراپارٹی ءِ پیشن نا ملک سوگو کننگ نا اونا عزم انا عکاسی ءِ کیک۔ اوپارے کہ داسرسہبی آن پیشن ناملک رہینگوک پاکستانی تیٹی جمہوریت، راجی انصاف و السی خذمت نا پارٹی نا نظریہ غاتے پوسکن ءُ توانائی اس ملانے واونا سیاسی بصیر ت اٹی ودکی مسنے۔ صدر مملکت پی پی پی یوایس اے نا صدر نا خذمت آتا اعتراف ءِ کرسا پارے کہ اونا کوشست پارٹی ءِ سوگو کننگ آن بیدس پاکستان نا الس و پاکستانی نژاد امریکی برادری نا نیام اٹ تعلقداری ءِ ہم سوگو کننگ ءِ۔ اودایخین نا درشانی ءِ کرے کہ پی پی پی یوایس اے ہندا جوزہ و لگن اٹ پارٹی نا مشن و قدر ءِ مون آ دننگ اٹ اہم کڑد ادا کرساکیک۔