مشکل ساہت اٹی غٹ ءِ سیاست آن ایڑترمرسا نوکاپ آن زہمی تا خذمت ءِ کروئی مریک، چیئرمین سینیٹ

ملتان۔ 04 ستمبر (اے پی پی) چیئرمین سینیٹ سید یوسف رضاگیلانی نوکاپ آن زہمی تا دمدستی امداد ناپارت کرساپارینے کہ مشکل ساہت اٹی غٹ ءِ سیاست آن ایڑترمرسا زہمی الس نا خذمت ءِ کروئی مریک۔ سینیٹ سیکرٹریٹ نا رداٹ چیئرمین سینیٹ یوسف رضاگیلانی تینا حلقہ نا سخی تیان خواست کرے کہ او آسودہی ادارہ غاتون اواری اٹ کُن وخور نا گڑا، و ساہدار تیکن بے انا فراوانی ٹی کمک کیر ۔ اونا پاننگ ئس کہ نن غٹ سیاسی جماعت آتون اواری اٹ نوکاپ آن زہمی تیکن کاریم کننگ اُن و دا جہد خالصتاََ السی خذمت نا جوزہ اٹ کننگ انگ ءِ۔ چیئرمین سینیٹ پارے کہ نوکاپ نا بناآن ہی او تینٹ الس نا خذمت کن میدان اٹی ءِ و زہمی تے ریلیف تننگ ناعمل  نا براہ راست چاروکی ءِ کننگ ءِ۔ اوپارے کہ میڈیا تون اوار ہمو غٹ ادارہ غاک سفت نا قابل ءُ ہرا وخت آ پیدواری نا کمک اٹ انسانی جون و ساہدار تے رکھ ہند آتیا گدریفنگ اٹ اہم کڑد ادا کننگ ءُ۔ یوسف رضاگیلانی پارے کہ پاکستان و خاص کر ملتان مشکل وخت آن گدرینگ انگ ءِ ، دِیر انا وہینگ اٹی پدریسہ ودکی مننگ ءِ و زمینی کٹاؤ نا چرجوئی ہم برجاءِ۔ اوزہمی تیان خواست کرے کہ او تینا جون تے بچفنگ کن اُراتے خورک کیر و رکھ ہند آتیا کار تانکہ بھلو نسخان اسے آن بچنگ مرے۔ چیئرمین سینیٹ انتظامیہ، کمشنر، ڈپٹی کمشنر، سول ڈیفنس ، ریسکیو 1122، میڈیا و آسودہی تنظیم تے خراج تحسین پیش کرے ہرادے و نن الس نا جون ومال انا رکھ اکن لگوک ءُ۔